Sharad Pawar, Supriya Sule यांना Ajit Pawar यांच्या गटाचं मतदानाचं आवाहन | Malegaon Sugar Factory

Sharad Pawar: माळेगाव सहकारी साखर कारखान्याच्या निवडणुकीसाठी रणसंग्राम रंगात आला आहे. याच पार्श्वभूमीवर राज्याचे उपमुख्यमंत्री अजित पवार यांच्या गटाचे कार्यकर्ते गोविंदबागेतील निवासस्थानी पोहोचून त्यांनी अजित पवारांची भेट घेतली. या भेटीदरम्यान कारखान्याच्या निवडणुकीतील नीलकंठेश्वर पॅनलच्या उमेदवारांना पवारांचा पाठिंबा मिळवण्यासाठी कार्यकर्त्यांनी चर्चा केली. पवारांनी देखील उपस्थित कार्यकर्त्यांना मार्गदर्शन करत मतदानात सक्रीय सहभाग घेण्याचं आवाहन केलं. विशेष म्हणजे, शरद पवार, सुप्रिया सुळे आणि प्रतिभा पवार हे तिघंही माळेगाव कारखान्याचे मतदार आहेत. त्यामुळे ही निवडणूक केवळ स्थानिक राजकारणापुरती मर्यादित न राहता पवार कुटुंबातील दोन गटांमध्ये सूचक शक्तिप्रदर्शनाचं स्वरूप घेताना दिसत आहे. अजित पवारांच्या समर्थकांनी या निवडणुकीत नीलकंठेश्वर पॅनलला विजय मिळवून देण्याचा निर्धार व्यक्त केला असून, निवडणूक परिसरात चुरशीचं वातावरण आहे.