मनोज जरांगे पाटील यांच्या आंदोलनाचा शेवट अखेर यशस्वी ठरला असून, हैद्राबाद गॅझेटच्या माध्यमातून शासनाने मराठा समाजाला ओबीसी प्रवर्गातील ‘कुणबी’ दाखला देत आरक्षण दिलं आहे. मात्र या निर्णयानंतर ओबीसी समाजामध्ये तीव्र नाराजी व्यक्त होत आहे. ओबीसी नेते लक्ष्मण हाके यांनी या निर्णयावर तीव्र प्रतिक्रिया नोंदवत सरकारवर तसेच जरांगे पाटलांवर थेट निशाणा साधला आहे. “मराठ्यांना आरक्षण देताना सरकारने ओबीसींचं आरक्षण संपवलं आहे,” असा आरोप हाकेंनी केला आहे. त्यांनी याच पार्श्वभूमीवर मुख्यमंत्री देवेंद्र फडणवीस यांना पत्रही लिहिलं असून, सरकारलाही सोडलं नाही. या पत्रात हाकेंनी ओबीसींच्या हक्कांवर गदा आणणाऱ्या निर्णयाविरोधात तीव्र नाराजी व्यक्त केली आहे आणि सरकारने तातडीने या विषयावर पुनर्विचार करण्याची मागणी केली आहे. आता हाके यांच्या या पत्रामुळे ओबीसी आणि मराठा आरक्षणाचा वाद पुन्हा चांगलाच पेटण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.