MNS News: Marathi गया तेल लगाने म्हणणाऱ्या परप्रांतीयाला मनसेनं दाखवला हिसका

महाराष्ट्रात राहून मराठी भाषा बोलण्यास नकार दिल्याच्या मुद्यावरून अनेकदा वाद निर्माण झाल्याच्या घटना घडल्या आहेत. मुंबईतील चारकोप मधील एअरटेल गॅलरी येथे काम करणाऱ्या महिला कर्मचारीने मराठीत बोलण्यास नकार देण्याचा प्रकार तसेच वर्सोवा येथील डी मार्ट मधील कर्मचाऱ्या कडून 'मुझे मराठी नही आती मै हिंदी बोलुंगा' असे म्हणत वाद झाल्याचे प्रकार समोर आले आहे, असे असतानाच आता मुंबईच्या पवई येथील एल अँड टी कंपनीतील सुरक्षारक्षकाकडून देखील मराठी भाषेविषयी अपमान जनक वक्तव्य बोलले गेल्याचा प्रकार पुढे आला आहे. सुरक्षारक्षकाने मराठीत बोलावे असं आग्रह धरणाऱ्या तरुणांसोबत वाद घालताना 'मुझे मराठी आती नही हिंदी बोलता हु मराठी गया तेल लगाने' असे मराठी भाषेविषयी अपमान जनक वक्तव्य केल्याने एक नवा वाद निर्माण झाला आहे. या वादात मनसेने उडी घेत सुरक्षारक्षकाला कानशिलात लगावताच त्या सुरक्षा रक्षकाने मनसे प्रमुख राज ठाकरे आणि मराठी माणसाची माफी मागितली आहे.