कल्याण-डोंबिवली महापालिकेतील सत्तास्थापनेसाठी मोठा राजकीय घडामोडीचा निर्णय घेत मनसेने भाजप–शिंदे शिवसेना महायुतीला पाठिंबा जाहीर केला आहे. या संदर्भात मनसेचे माजी आमदार राजू पाटील यांनी पत्रकार परिषद घेऊन घोषणा केली. महापालिकेत भाजपचे 50 आणि शिंदे गटाच्या शिवसेनेचे 53 नगरसेवक निवडून आले असून, आकडेवारीनुसार महायुती सत्तास्थापनेसाठी पुढे आहे. मनसेनेही यांना पाठिंबा देण्याचा निर्णय घेतल्याने बहुमताचे गणित आणखी मजबूत झाले आहे. राज ठाकरेंच्या सूचनेनुसार हा निर्णय घेतल्याचे राजू पाटील यांनी स्पष्ट केले. 'सुरुवातीला काही नगरसेवक गायब झाले होते. अशा परिस्थितीत आमच्या नगरसेवकांचीही चिंता होती. पाच लोकांमध्ये राहून आम्ही जनतेला न्याय देऊ शकलो असतो का?' असा सवाल त्यांनी उपस्थित केला. तसेच महायुतीसोबत जाण्याचा निर्णय हा ‘स्थैर्यासाठी’ घेतल्याचा दावा त्यांनी केला. 'आम्ही त्यांचे सरकार पाडू शकत नाही. पण कॉमन मिनिमम प्रोग्राम घेऊनच पुढे जाणार आहोत,' असे पाटील म्हणाले. या घडामोडींमुळे मनसेने भाजप-शिवसेना शिंदे गटात औपचारिकरित्या सामील न होता ‘बाहेरून पाठिंबा’ देत स्थैर्याची भूमिका घेतल्याचे स्पष्ट झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.