Nanded News: शिवसेनेच्या बंडखोर उमेदवाराचा प्रचार, आमदारांच्या विरोधात कार्यकर्तेच संतापले! | Sakal News

नांदेड जिल्ह्यातील प्रभाग क्रमांक ३ मधील बंडखोर उमेदवार मीनल पाटील यांच्या प्रचारामुळे शिवसेनेतील अंतर्गत वाद उफाळून आला आहे. आमदार हेमंत पाटील आणि बाबुराव कदम कोहळीकर यांनी मीनल पाटील यांचा प्रचार केल्यानंतर शिवसैनिक चांगलेच आक्रमक झाले. या प्रचारामुळे पक्षशिस्तीचा प्रश्न उपस्थित होत शिवसैनिकांनी उघड नाराजी व्यक्त केली. संपर्कप्रमुख सिद्धाराम मेहत्रे आणि आमदार बालाजी कल्याणकर यांच्या उपस्थितीत घोषणाबाजी करत शिवसैनिकांनी आमदार हेमंत पाटील यांच्याविरोधात संताप व्यक्त केला. बंडखोर उमेदवाराच्या प्रचारावरून शिवसेनेतील मतभेद आता उघडपणे समोर आले असून, या घटनेमुळे नांदेडच्या राजकारणात मोठी खळबळ उडाली आहे.