Nashik News: नाशकात दिवसाढवळ्या अल्पवयीन तरुणाची हत्या, डोक्यात दगड टाकला अन्..

Nashik News: नाशिक शहरात पुन्हा एकदा खळबळजनक घटना समोर आली असून, कामटवाडे परिसरात दिवसाढवळ्या एका अल्पवयीन तरुणाचा खून करण्यात आला आहे. किरण चौरे असे मृत तरुणाचे नाव असून, त्याच्या डोक्यात दगड घालून निर्घृणपणे हत्या करण्यात आली. प्राथमिक माहितीनुसार किरण चौरे हा सराईत गुन्हेगार होता आणि दोन गटांमध्ये सुरू असलेल्या वादातून ही हत्या झाल्याची शक्यता वर्तवली जात आहे. हत्या केल्यानंतर चारही मारेकरी घटनास्थळावरून फरार झाले असून, पोलिसांनी शोध मोहीम सुरू केली आहे. या घटनेमुळे परिसरात भीतीचं वातावरण निर्माण झालं आहे. पोलिसांनी या प्रकरणाचा तपास सुरू केला असून, लवकरच आरोपींना गजाआड करण्यात येईल, असा विश्वास स्थानिक पोलीस प्रशासनाने व्यक्त केला आहे.