Pandharpur Ashadhi Ekadashi 2025| डोळ्यात साठवावे असे पंढरीनगरीचे दृश्य | Sakal News

दरवर्षीप्रमाणे यंदाही आषाढी एकादशीच्या निमित्ताने पंढरपूर नगरी भक्तांनी फुलून गेली आहे. आज सकाळपासूनच विठ्ठल-रुक्मिणीच्या दर्शनासाठी लाखो भाविकांनी पंढरीमध्ये हजेरी लावली आहे. टाळ-मृदुंगाच्या गजरात संपूर्ण पंढरपूर भक्तिमय वातावरणाने न्हालं आहे. यंदा सुमारे २० ते २२ लाख भाविक पंढरपूरमध्ये दाखल झाले असून, पहाटेपासूनच चंद्रभागा नदीच्या तिरी स्नानासाठी भाविकांनी मोठ्या प्रमाणावर गर्दी केली आहे. पंढरीतील प्रमुख मठ-मंदिरांमध्ये विठोबाच्या नामस्मरणाचा जयघोष सुरू आहे आणि श्रद्धेच्या लाटांमध्ये ही नगरी अक्षरशः न्हाऊन निघाली आहे. या भक्तिरसात न्हालेल्या उत्सवाचा थेट आढावा घेतलाय आमचे प्रतिनिधी सचिन जाधव यांनी.