Eknath Khadse यांच्या जावयाला रेव्हा पार्टीतून उचललं, Girish Mahajan यांनी डिवचलं | Sakal News

काल मध्यरात्री पुण्याच्या खराडी परिसरातील एका लॉजमध्ये सुरू असलेल्या रेव्ह पार्टीवर पोलिसांनी कारवाई करत दोन महिला आणि पाच पुरुषांना अटक केली. या अटकेतील सर्वात मोठं नाव म्हणजे विधान परिषद आमदार एकनाथ खडसे यांचे जावई आणि रोहिणी खडसे यांचे पती प्रांजल खेवलकर. पोलिसांनी या सातही जणांना ताब्यात घेतल्यानंतर, ही कारवाई समोर येताच राजकीय वर्तुळात खळबळ उडाली आहे. या घटनेवरून सत्ताधारी आणि विरोधकांमध्ये जोरदार आरोप-प्रत्यारोप सुरू झाले आहेत. दरम्यान, राज्याचे मंत्री गिरीश महाजन यांनी या प्रकरणावर प्रतिक्रिया देताना खडसे यांना डिवचलं आहे. नेमकं ते काय म्हणाले पाहा..