पुणे जिल्ह्यातील दौंड तालुक्यातील चौफुला येथे असलेल्या न्यू अंबिका कला केंद्रात सोमवारी रात्री गोळीबाराची घटना घडली. कैलास उर्फ बाळासाहेब मांडेकर याने हवेत गोळी झाडल्याचं उघड झालं आहे. बाळासाहेब हे राष्ट्रवादी काँग्रेसचे आमदार शंकर मांडेकर यांचे भाऊ असून, त्यांच्या विरोधात गणपत जगताप, चंद्रकांत मारणे आणि एका अनोळखी व्यक्तीसह गुन्हा दाखल झाला आहे. चंद्रकांत मारणे सध्या फरार आहे. सुरुवातीला प्रकरण दडपण्याचा प्रयत्न झाला. पण समाजमाध्यमांवर बातमी व्हायरल झाल्यानंतर पोलिसांनी तपास सुरू केला. न्यू अंबिका कला केंद्रातील सीसीटीव्ही फुटेज तपासून मालक अशोक जाधव आणि 6 महिलांना ताब्यात घेण्यात आलं आहे. अद्याप किती गोळ्या झाडल्या गेल्या किंवा कोणी जखमी झालं का, याबाबत पोलीस माहिती देत नाहीत. या घटनेने चौफुला आणि दौंड परिसरात खळबळ उडाली असून, पोलिसांकडून माहिती लपवल्याचा आरोप होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.