Pune News: Purandar Airport ला विरोध, सात गावातील गावकऱ्यांनी रस्ता रोखला, नेमका वाद काय झाला?

पुरंदर येथे होणाऱ्या नियोजित आंतरराष्ट्रीय विमानतळ प्रकल्पाला स्थानिक ग्रामस्थांचा विरोध दिवसेंदिवस तीव्र होत चालला आहे. सात गावातील शेतकरी आणि ग्रामस्थांनी सोमवारी कुंभारवळण व एखतपूर परिसरात सुरू असलेले ड्रोनद्वारे जमिनीचे सर्वेक्षण रोखले. "आमची संमती नसताना जमिनीची मोजणी का करता?" असा संतप्त सवाल ग्रामस्थांनी प्रशासकीय अधिकाऱ्यांना थेट विचारला. या आंदोलनादरम्यान गावकरी आणि शासकीय अधिकाऱ्यांमध्ये जोरदार खडाजंगी पाहायला मिळाली. गावकऱ्यांनी स्पष्ट शब्दांत सांगितले की, त्यांच्या जमिनींवर कोणताही सर्वे किंवा मोजणी त्यांच्या परवानगीशिवाय मान्य केली जाणार नाही. प्रकल्पग्रस्त सात गावांतील नागरिकांनी सर्वेक्षणासाठी आलेले ड्रोन थांबवून आंदोलनाचे तीव्र रूप घेतले. परिसरात मोठा तणाव निर्माण झाला होता.