रामायण, महाभारत कधी घडलं, ऐतिहासिक घटना की पुराणकथा? तुमच्या सर्व प्रश्नाचे उत्तरे एका क्लिकवर...

महाभारत हा भारतीय संस्कृतीतील एक महत्त्वाचा ग्रंथ असून, तो केवळ धार्मिक ग्रंथ नाही, तर त्यामध्ये भारतीय इतिहासाचा एक भाग समजला जातो. संशोधक निलेश ओक यांनी महाभारत कालखंडाचा अभ्यास करून त्यातील ऐतिहासिक सत्य शोधण्याचा प्रयत्न केला आहे. त्यांनी पुरावे आणि विज्ञानाचा आधार घेऊन सिद्ध केलं की, महाभारत ही केवळ पुराणकथा नसून ऐतिहासिक घटना आहे. महाभारतातील घटनांचे वर्णन, तिथी-कालगणना, आणि निरीक्षणांच्या आधारे त्यांनी संशोधन केलं आहे.

विज्ञान आणि तंत्रज्ञानाचा संदर्भ

महाभारतातील ब्रह्मास्त्र, पुष्पक विमान, आणि इतर अद्भुत तंत्रज्ञानाचा उल्लेख पाहता, अनेक प्रश्न निर्माण होतात. त्याकाळात अशा प्रकारचे तंत्रज्ञान खरोखर होतं का, हा संशोधनाचा महत्त्वाचा मुद्दा ठरतो. निलेश ओक यांच्या मते, हे तंत्रज्ञान त्या काळात उपलब्ध होतं असण्याची शक्यता आहे, मात्र त्यासाठी ठोस पुराव्यांची गरज आहे. या संदर्भात त्यांनी १५ वर्षे अभ्यास करून ऐतिहासिक आणि भौगोलिक पुरावे गोळा केले आहेत, ज्यामुळे या विषयावर अधिक प्रकाश टाकला जात आहे.