संतश्रेष्ठ ज्ञानेश्वर माऊलींच्या पालखी सोहळ्यात सहभागी होणाऱ्या मानाच्या अश्वराजांनी यंदा देखील आपल्या परंपरेप्रमाणे श्रीमंत दगडूशेठ हलवाई गणपती मंदिरात थेट सभामंडपात जाऊन गणरायाला वंदन केले. पुणेकरांसाठी हे क्षण अनोख्या भक्तिभावाने भारावलेली ठरली. कर्नाटकातील बेळगाव जिल्ह्यातील अंकली येथून शितोळे सरकार यांच्या मालकीचे हे मानाचे अश्व, तब्बल ३०० किमीचा पायी प्रवास करत दरवर्षी पालखी वारीसाठी पुण्यात दाखल होतात. यंदाही त्यांनी ही परंपरा अखंडपणे जपली. पूर्वी या अश्वांना मंदिराबाहेरूनच गणरायाचे दर्शन होत असे. मात्र काही वर्षांपासून, मंदिर ट्रस्टच्या सहकार्यामुळे सभामंडपात प्रवेश करून थेट गणरायासमोर वंदन करण्याची संधी या अश्वांना दिली जाते. यावेळी मंदिर ट्रस्टचे विश्वस्त आणि मंडळाच्या कार्यकर्त्यांनी अश्वांचे पूजन करून त्यांचे स्वागत केले. भावना, परंपरा आणि भक्ती यांचे अद्वितीय दर्शन घडवणारा हा क्षण पाहण्यासाठी मंदिर परिसरात भक्तांनी मोठी गर्दी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.