शहरातील अनेक प्रभागांत शिंदे गटाच्या शिवसेनेने बिनविरोध विजय मिळवत आपली ताकद दाखवली आहे. प्रभाग क्रमांक १८ क मधून शिंदेंच्या शिवसेनेच्या उमेदवार सुखदा मोरे या बिनविरोध विजयी ठरल्या आहेत. त्या शिंदे गटाच्या शिवसेनेचे सचिव संजय मोरे यांच्या पत्नी आहेत. काँग्रेसच्या उमेदवार वैशाली पवार यांनी आपला उमेदवारी अर्ज मागे घेतला, तर मनसेच्या उमेदवार प्राची घाडगे यांचा अर्ज बाद झाल्यामुळे सुखदा मोरे यांचा बिनविरोध विजय निश्चित झाला. प्रभाग क्रमांक १७ अ मधून शिंदेंच्या शिवसेनेच्या उमेदवार एकता भोईर या देखील बिनविरोध विजयी झाल्या आहेत. या प्रभागात कोणत्याही प्रमुख पक्षाने उमेदवार न दिल्याने आणि सर्व अपक्ष उमेदवारांनी माघार घेतल्यामुळे एकता भोईर यांचा बिनविरोध विजय जाहीर झाला. तसेच प्रभाग क्रमांक १४ अ मधून शिंदे गटाच्या शिवसेनेच्या उमेदवार शीतल ढमाले यांनी बिनविरोध विजय मिळवला आहे. दरम्यान, प्रभाग क्रमांक १८ ड मधून शिंदेंच्या शिवसेनेचे उमेदवार राम रेपाळे हेही बिनविरोध विजयी झाले आहेत. ठाकरे गटाच्या शिवसेनेचे उमेदवार विक्रांत घाग यांनी उमेदवारी अर्ज मागे घेतल्याने, तसेच काँग्रेससह सर्व अपक्ष उमेदवारांनी माघार घेतल्यामुळे राम रेपाळे यांचा विजय निश्चित झाला. या निकालांमुळे स्थानिक राजकारणात शिंदे गटाच्या शिवसेनेचा दबदबा अधिक मजबूत झाल्याचे चित्र दिसून येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.