सध्या देशभरात शाही विवाहाचा ट्रेंड असताना लाखो-कोटींचा खर्च केला जातो. मात्र सोलापुरात या बडेजावाला फाटा देत एक आदर्शवत विवाह पार पडला आहे. माजी शिक्षक आमदार दत्तात्रय सावंत यांची कन्या सुषमा हिचा विवाह शुभम शिंदे या तरुणाशी अवघ्या 150 रुपयांत नोंदणीकृत पद्धतीने पार पडला. लग्नाचा अनावश्यक खर्च टाळत सुषमा–शुभम या नवविवाहित दांपत्याने समाजापुढे नवा आदर्श ठेवला आहे. विवाहासाठी होणारा अंदाजे 25 ते 30 लाख रुपयांचा खर्च न करता ही रक्कम विनाअनुदानित शिक्षकांच्या कुटुंबियांना आर्थिक मदत म्हणून देण्याचा निर्णय त्यांनी घेतला आहे. शुभम शिंदे हे पाणीपुरवठा विभागात शासकीय अभियंता म्हणून कार्यरत असून, सुषमा सावंत हिने नुकतेच भारती विद्यापीठ, पुणे येथून एमएससी इन ह्यूमन ॲनाटोमीचे शिक्षण पूर्ण केले आहे. ‘सावंत-शिंदे’ परिवाराने घेतलेल्या या सामाजिक जाणीवेतून घेतलेल्या निर्णयाचे सर्व स्तरातून कौतुक होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.