सोलापुरातील प्रभाग क्रमांक 10 मधील एका मतदान केंद्रावर गुरुवारी मतदान प्रक्रियेदरम्यान अपक्ष उमेदवार आणि निवडणूक अधिकाऱ्यांत बचाबाची झाल्याची घटना समोर आली आहे. अपक्ष उमेदवार विजयकुमार अंकम यांच्या मते, एका मतदाराने त्यांच्या चिन्हासमोरील बटन दाबले जात नसल्याची तक्रार केली होती. यावेळी संबंधित अधिकाऱ्याने तक्रार ऐकून मशीन तपासण्याच्या नावाखाली स्वतःच परस्पर भाजप उमेदवाराच्या चिन्हासमोरील बटन दाबल्याचा गंभीर आरोप करण्यात आला आहे. या प्रकारामुळे मतदान केंद्रावर काही काळ तणावाचे वातावरण निर्माण झाले. अपक्ष उमेदवार आणि मतदारांनी हा प्रकार निवडणूक अधिकाऱ्यांच्या निदर्शनास आणून दिला असून, मशीनमध्ये तांत्रिक बिघाड होता की हेतुपुरस्सर हस्तक्षेप करण्यात आला याबाबत प्रश्नचिन्ह उपस्थित करण्यात येत आहेत. या प्रकरणी पुढील चौकशीची मागणी उमेदवारांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.