राज्याचे माजी आरोग्य मंत्री आणि शिवसेनेचे नेते आमदार तानाजी सावंत यांच्याविरोधात त्यांच्या कुटुंबातूनच बंडखोरी उभी राहिली आहे. तानाजी सावंत यांचे पुतणे आणि जिल्हा परिषदेचे माजी उपाध्यक्ष धनंजय सावंत यांनी थेट बंडाचा झेंडा फडकावत स्वतंत्र राजकीय आघाडी उघडली आहे. परंडा तालुक्यातील जिल्हा परिषद आणि पंचायत समिती निवडणुकांच्या पार्श्वभूमीवर धनंजय सावंत यांनी मोठा निर्णय घेतला असून, जिल्हा परिषदेच्या पाच आणि पंचायत समितीच्या दहा जागांसाठी आपल्या समर्थकांसह बुधवारी दुपारी १.४५ वाजता उमेदवारी अर्ज दाखल केले आहेत. या बंडखोरीमुळे परंडा तालुक्यातील शिवसेनेच्या संघटनात्मक रचनेला मोठे खिंडार पडले असून, आमदार तानाजी सावंत यांच्या राजकीय वर्चस्वाला हा मोठा धक्का मानला जात आहे. या घडामोडींमुळे तालुक्यातील राजकारण तापले असून, आगामी स्थानिक स्वराज्य संस्थांच्या निवडणुकीत याचे पडसाद उमटण्याची शक्यता वर्तवली जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.