Raj-Uddhav Thackeray Victory Rally Live Update: वरळी डोमवर आलेल्या महिलेनं स्पष्टच सांगितलं | Sakal News

आज मुंबईतील वरळी डोममध्ये एक ऐतिहासिक क्षण साकारत आहे, कारण तब्बल २० वर्षांनंतर ठाकरे बंधू उद्धव ठाकरे आणि राज ठाकरे एकाच व्यासपीठावर एकत्र येत आहेत. संपूर्ण महाराष्ट्रामध्ये मराठी भाषेच्या आणि अस्मितेच्या रक्षणासाठी पुन्हा एकदा जोरदार लढा उभारण्याची तयारी सुरू झाली आहे. ह्या लढ्याचं नेतृत्व आज पुन्हा एकदा ठाकरे कुटुंबीयांकडे जात आहे. यापूर्वी बाळासाहेब ठाकरे यांनी महाराष्ट्राच्या भूमीपुत्रांसाठी, मराठी माणसाच्या हक्कासाठी आपला आवाज बुलंद केला होता. आज त्याच विचारांची परंपरा पुढे नेत उद्धव आणि राज ठाकरे एकत्र येऊन मराठीसाठी एकजुटीनं लढण्याचा निर्धार करत आहेत.