Vaishnavi Hagawane Case: Rajendra Hagawaneला मुलासोबत अटक, Ajit Pawar काय म्हणाले?

पुण्यातील राष्ट्रवादी काँग्रेस (अजित पवार गट) चे नेते राजेंद्र हगवणे यांच्या धाकट्या सूनबाईची आत्महत्या केल्याची धक्कादायक घटना घडली आहे. वैष्णवी हगवणे हिने गळफास लावून आत्महत्या केली असून, तिच्या मृत्यूमुळे राज्यभरातून तीव्र संताप व्यक्त केला जात आहे. या प्रकरणात पती, सासू आणि नणंद या तिघांना पोलिसांनी अटक केली होती. तर सासरे राजेंद्र हगवणे आणि दिर सुशील हगवणे हे सात दिवस फरार होते. अखेर आज पहाटे ४:३० वाजता पुणे पोलिसांनी त्यांना अटक केली आहे. दरम्यान, राज्याचे उपमुख्यमंत्री अजित पवार यांनी या प्रकरणावर प्रतिक्रिया दिली आहे. त्यांनी म्हटलं, वैष्णवीने जर हे सगळं मला आधी सांगितलं असतं, तर मी नक्कीच तात्काळ कारवाई केली असती.