फॅशन टशन : रंग बरसे

विविध रंगांची उधळण करणारा सण म्हणजे होळी. हर्ष, उल्हास रंगांच्या माध्यमातून चहूकडे पसरवणाऱ्या या दिवशी कलरफुल प्लस ब्युटीफुल दिसलंच पाहिजे ना राव. मग या दिवशी देसी लुकला थोडा वेस्टर्न तडका दिला तर? हो ना, भारी आहे ना आयडिया! चला चर मग, होळी पार्टीची तयारी करूयात. प्रत्येक होळीच्या पार्टीत सर्व सेलिब्रिटी पांढऱ्या रंगाच्या पोशाखात दिसतात. त्यामुळं त्यांना पाहून आपल्यालाही पांढऱ्या रंगाचं भूत झपाटतं. असो. पांढरा रंग आहेच इतका क्‍लासी. बरं मुलींनो, देसी लुकसाठी तुम्ही लखनवी कुर्त्यावर छान पेन्सिल पँट घालू शकता. यावर ऑक्सिडाइज ज्वेलरी सुंदर दिसेल. याला वेस्टर्न तडका देण्यासाठी हा टॉप तुम्ही टोन जीन्सवरदेखील वापरू शकता.

ताज्या बातम्यांसाठी डाऊनलोड करा ई-सकाळचे ऍप

तसेच टी-शर्ट, क्रॉप टॉपसोबत हॉट पँटचं कॉम्बिनेशन कमाल दिसतं. ‘ओके जानू’ या मूव्हीतील हम्मा गाण्यातील श्रद्धा कपूरनं घातलेली हॉट पँट आठवतेय का? ती पँट मार्केटमध्ये उपलब्ध आहे. तीसुद्धा तुम्ही ट्राय करून बघा. प्रिंटेड मॅक्‍सी ड्रेस, जंप सूट हे पॅटर्नही क्‍लास दिसतात. अनारकली किंवा चुडीदार पॅटर्न तुम्ही निवडू शकता. बरं, रंगांमुळं केस खराब होण्याची शक्‍यता असते; त्यामुळं प्रिंटेड स्कार्फ किंवा स्टायलिश कॅप घालूनच घरातून बाहेर पडा.

मुलींनो, ज्यामध्ये आपण कंफर्टेबल फील करतो ती म्हणजे स्टाईल. त्यामुळं रंग खेळताना तुम्ही प्रथम स्वत:चा विचार करा. मोकळेपणानं वावरता येईल तोच ड्रेस होळी पार्टीसाठी निवडा. 

या झाल्या मुलींसाठीच्या टिप्स. मुलांनो, अब आपकी बारी है. प्लेन व प्रिंटेड शॉर्ट पँटसोबत टी-शर्ट हे कॉम्बो नेहमी छान दिसतं. हा ड्रेसकोड ट्राय करून तुम्ही होळी पार्टी रॉक करू शकता. देसी अवतारासाठी कुर्त्यासोबत धोती घालायला आवडेल ना तुम्हाला? टोन जीन्सवर प्लेन टी-शर्टची फॅशन तशी इन आहे. सुती पॅंटसह लाइट रंगाचा कुर्ता घालून तुम्ही भाव खाऊ शकता.