जी.एच. रायसोनी इंटरनॅशनल स्किल टेक युनिव्हर्सिटी, पुणे येथे ७६ वा संविधान दिन उत्साहात साजरा

पुणे: जी.एच. रायसोनी इंटरनॅशनल स्किल टेक युनिव्हर्सिटी, पुणे आणि येथील लॉ स्कूलने ७६ वा संविधान दिन उत्साहात साजरा केला. या कार्यक्रमाचे उद्दिष्ट भारतीय संविधानाचे मूल्य वाढवणे आणि विद्यार्थ्यांमध्ये न्याय, स्वातंत्र्य, समानता आणि बंधुता या मूलभूत मूल्यांना बळकटी देणे हे होते. महाराष्ट्र न्यायपालिकेचे न्यायदंडाधिकारी प्रथम श्रेणी आनंद देशमुख हे या कार्यक्रमाचे प्रमुख पाहुणे होते.

आनंद देशमुख म्हणाले, की संवैधानिक नैतिकता, मूलभूत हक्क आणि लोकशाही संस्थांचे रक्षण करण्यात तरुणांच्या महत्त्वाच्या भूमिके आहे. त्यांना संविधानाचे मुल्य विद्यार्थ्यांमध्ये रुजावे.

कुलगुरू डॉ. आर. डी. खराडकर यांनी त्यांच्या स्वागत भाषणात भारतीय संविधानाची निर्मिती आणि समकालीन शासनव्यवस्थेत त्याची शाश्वत प्रासंगिकता यावर अंतर्दृष्टीपूर्ण विचार मांडले. त्यांनी विद्यार्थ्यांना त्यांच्या वैयक्तिक आणि व्यावसायिक जीवनात संवैधानिक मूल्ये जपण्याचे आवाहन केले.

प्र-कुलगुरू डॉ. वैभव हेंद्रे, यांनी देखील उपस्थितांना संबोधित केले. लॉ स्कूल चे अधिष्ठाता डॉ. अमित कुमार श्रीवास्तव यांनी आभार मानले. विद्यार्थी हीना सय्यद आणि रोहित भिंगारदिवे यांनी सूत्रसंचालन केले. रायसोनी एज्युकेशनचे अध्यक्ष श्री. सुनील रायसोनी, रायसोनी एज्युकेशनचे कार्यकारी संचालक श्री. श्रेयश रायसोनी, कुलगुरू डॉ. आर. डी. खराडकर यांनी कार्यक्रमाचे आयोजन केल्याबद्दल लॉ स्कूलचे मनापासून आभार मानले.