झूम : नव्या जमान्याच्या ‘हायटेक’ सायकल ...! | Sakal
sakal

बोलून बातमी शोधा

Hitech Cycle

झूम : नव्या जमान्याच्या ‘हायटेक’ सायकल ...!

लहानपणापासून प्रत्येकाचे सायकलशी नाते जोडले गेलेले आहे. अलीकडील काही वर्षांत सायकलींचा वापर व्यायामाचे वा छंदाचे साधन म्हणून होत आहे. रोजचे धकाधकीचे आयुष्य, बदलती जीवनशैली यांमुळे अनेक जण शारीरिक तंदुरुस्तीसाठी सायकलींचा आधार घेतात. त्यामुळे सायकलीही आधुनिक झाल्या. परिणामी सायकलींचा गेल्यातच जमा असलेला ‘जमाना’ आताच्या काळातही ‘तग’ धरून आहे. सायकलींच्या आधुनिक विश्वाची ही सैर...

बहुतेकांच्या आयुष्याची सुरुवात लहानपणी तीनचाकी सायकलने झाली. जस जसे मोठे होत गेलो, तसे दोनचाकी सायकलशी आपला परिचय झाला. पूर्वी अॅटलस, हिरो, हॅर्क्युलस, एवोन यासारख्या कंपन्यांच्या सायकली असल्या तरी अॅटलस सायकलने आपली वेगळीच छाप पाडली होती. ‘दणकट’ हीच तिची ओळख. सर्वप्रकारच्या घरगुती कामांसाठी तिचा वापर होत होता. कालांतराने इतर कंपन्यांच्या सायकली येऊ लागल्या. मग गिअर, सस्पेन्शन, डिस्क ब्रेक, स्टायलीश व्हील असलेल्या सायकली आल्यानंतर स्पर्धा वाढली आणि सायकलींची मागणीही. मोबाईल क्रांती, आधुनिक वाहनांमुळे मधल्या काळात बच्चेकंपनीचा सायकलींकडे ओढा कमी झाला होता. परंतु, सायकल कंपन्यांनीही आकर्षक आणि आधुनिक फिचर्ससह सायकली पुन्हा बाजारात आणल्यामुळे बच्चे कंपनीबरोबरच मोठ्यांचाही सायकलींकडे ओढा वाढला आहे.

ट्रेक (Treck Cycle)

ट्रेक ही अमेरिकन कंपनी असून, भारतातील सर्वाधिक सायकल उत्पादक कंपनींपैकी एक आहे. भारतासह ९० देशांमध्ये या कंपनीच्या सायकल विक्रीस आहेत. भारतात या कंपनीच्या सायकलींची किंमत ३० हजार ८९९ रुपयांपासून (मॉडेल : एफएक्स-१) सुरू होते. तर ५ लाख ५४ हजार २९९ ही (मॉडेल : फ्युएल ईएक्स ९.९ एक्सओ १) या कंपनीची सर्वांत महागडी सायकल आहे. या कंपनीने ५५ विविध प्रकारच्या सायकली भारतीय बाजारात आणल्या आहेत.

राले (Raleigh)

राले ही ब्रिटिश कंपनी असून, भारतातील प्रसिद्ध सायकल उप्तादक ब्रँड आहे. १००हून अधिक देशात या ब्रँडच्या सायकली विक्री होतात. भारतात या कंपनीच्या सायकलींची किंमत ५ हजार ७७५ (मॉडेल : स्ट्रिट २०) रुपयांपासून सुरू होते, तर ५३ हजार ९९९ रुपयांत कंपनीचे ‘इंट्युटीव्ह’ हे मॉडेल मिळते. भारतात या कंपनीने ५३ विविध प्रकारच्या सायकली बाजारात आणल्या आहेत.

मेरिडा (Merida)

मूळची तैवान देशातील असलेला हा सायकलचा ब्रँड भारतातही प्रसिद्ध आहे. मेरिडाच्या १८५ विविध प्रकारच्या सायकली भारतीय बाजारात उपलब्ध आहेत. भारतात या कंपनीच्या सायकली ३० हजारांपासून (क्रॉसवे १५ व्ही) ते ३ लाख २७ हजार रुपये (बिग नाईन ७०००) या किमतीत उपलब्ध आहेत. ७० हून अधिक देशात या ब्रँडच्या सायकली विक्री होतात.

रोडलर्क इलेक्ट्रिक (Roadlark)

भारतातील ‘नेक्सझू मोबिलिटी’ कंपनीची ‘रोडलर्क इलेक्ट्रिक सायकल’ ४२ हजार रुपये किमतीत उपलब्ध आहे. ही सायकल नुकताच भारतात दाखल झाली. जी एकदा चार्ज केल्यावर १०० किलोमीटर धावत असल्याचा कंपनीचा दावा आहे. रोडलर्कमध्ये ‘ड्युअल बॅटरी सिस्टम’ असून, मुख्य बॅटरी ८.७ एएचच (Ampere Hour) आणि दुसरी ५.२ एएचची इन-फ्रेम बॅटरी आहे, जी घरगुती सॉकेटवर चार्ज करता येते.

Web Title: Pranit Pawar Writes About Hitech

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pranit Pawar
go to top