यिन समर युथ समिट’२५ साठी टी. सी. महाविद्यालयातील विद्यार्थ्यांकडून नोंदणीला प्रतिसाद.

तरुणाईने मध्ये 'यिन'च्या समिट ला येण्याची लगबग सुरू झाली आहे. ५ आणि ६ जूनला पुण्यातील बालगंधर्व रंगमंदिर येथे हे निवासी शिबिर पार पडणार आहे. यिनचे अध्यक्ष, उपाध्यक्ष आणि सदस्यांनी समिट ची माहिती सोशल मीडियावर व्हिडिओच्या माध्यमातून प्रभावीपणे विद्यार्थ्यांपर्यंत पोहोचवली आहे. त्यामुळे महाविद्यालयातील तरुणाई मध्ये उत्साह निर्माण झाला आहे. या समिट मध्ये स्वतःमधील कला ओळखून त्यात कसे काम करावे, आता मी कुठे आहे, मला काय करायला हवे, समोर आलेल्या समस्येला तोंड कसे द्यावे, सकारात्मकता कशी वाढवावी. सध्या आणि नंतर बाजारपेठेत कशाला मागणी असेल, संधीची वाट पाहण्यापेक्षा संधी निर्माण कशी करावी, मुलाखतीला कसे सामोरे जावे, अशा अनेक मनातील प्रश्नांवर विविध क्षेत्रातील तज्ज्ञांकडून योग्य मार्गदर्शन मिळणार आहे.

या नोंदणीच्या मोहिमेसाठी 'यिन'चे अक्षदा बोडके, सायली गणेशकर, वैष्णवी थोरात, वैभव गायकवाड, स्वराज कांबळे, राम पडळकर, प्रतिक्षा कदम, सना शेख, आरती धवन, चैताली चव्हाण, साक्षी कांबळे, अंशुमन बोभाटे, आदित्य गायकवाड या पदाधिकाऱ्यांनी पुढाकार घेत समिटबद्दल जागरूकता निर्माण केली आहे. काहीच जागा शिल्लक राहिल्याने आजच आपली नोंदणी करण्याचे आवाहन करण्यात आले आहे.