भारत व ब्रिटनमध्ये व्यापारवाढ गरजेची: थेरेसा मे

वृत्तसंस्था
सोमवार, 7 नोव्हेंबर 2016

भारत आणि ब्रिटनमध्ये औद्योगिक संशोधनासाठी भागीदारी केली जाणार आहे. त्याचप्रमाणे सौरऊर्जेवर आधारित संशोधन विकास केंद्र उभारले जाणार आहे.

नवी दिल्ली - भारत आणि ब्रिटन यांच्या व्यापारातील अडथळे दूर करुन गुंतवणूक वाढीस लागल्यास भराभराट होईल, असे मत व्यक्त करीत ब्रिटनला जगात मुक्त व्यापाराचा आदर्श निर्माण करावयाचा आहे, असे ब्रिटनच्या पंतप्रधान थेरेसा मे यांनी भारत -ब्रिटन तंत्रज्ञान परिषदेत सांगितले. भारत आणि ब्रिटन द्विपक्षीय संबंधावर चर्चा करण्यासाठी आयोजित भारत -ब्रिटन तंत्रज्ञान परिषदेचे आज (सोमवार) उद्घाटन झाले. 

"आम्ही ब्रिटनमध्ये आर्थिक आणि सामाजिक सुधारणांवर काम करीत आहोत. भारतातून होणाऱ्या गुंतवणूकीमुळे आमच्या अर्थव्यवस्थेत वैविध्य प्राप्त होत आहे", असेही त्या यावेळी म्हणाल्या. पंतप्रधानपदाचा कार्यभार स्वीकारल्यानंतर त्यांचा हा पहिलाच युरोपाबाहेरील दौरा आहे.

यावेळी भारताचे पंतप्रधान नरेंद्र मोदी म्हणाले, की या तंत्रज्ञान परिषदेच्या निमित्ताने दोन्ही देशांचा एकत्रित वैज्ञानिक ज्ञान आणि तांत्रिक कौशल्यांच्या आधारावर एकत्रितपणे नवा प्रवास सुरु होत आहे. यावेळी त्यांनी डिजिटल इंडिया, मेक इन इंडिया, स्मार्ट सिटीसारख्या प्रमुख उपक्रमांचा उल्लेख केला. त्याचप्रमाणे विज्ञान 'युनिव्हर्सल' आहे परंतु तंत्रज्ञान ही बाब 'लोकल' असायला हवी असे सांगत अशा परिषदांमधून देशांना एकमेकांच्या गरजा समजून घेण्यास मदत होते असे प्रतिपादन मोदींनी केले. 

भारत आणि ब्रिटनमध्ये औद्योगिक संशोधनासाठी भागीदारी केली जाणार आहे. त्याचप्रमाणे सौरऊर्जेवर आधारित संशोधन विकास केंद्र उभारले जाणार आहे.

अर्थविश्व

नवी दिल्ली : इन्फोसिसच्या मंडळाने आज 13 हजार कोटी रुपयांच्या "शेअर बायबॅक' योजनेला मान्यता दिली. "इन्फोसिस'चे मुख्य कार्यकारी...

12.42 PM

मुंबई : इन्फोसिसच्या संचालक मंडळाने आज (शनिवार) तब्बल 13 हजार कोटी रूपयांचे समभाग 'बायबॅक' करण्याच्या प्रस्तावाला मंजुरी दिली....

शनिवार, 19 ऑगस्ट 2017

मुंबई : मुख्य कार्यकारी अधिकारी विशाल सिक्का यांच्या नाट्यमय राजिनाम्यानंतर 'इन्फोसिस' कंपनीसमोर आणखी एक डोकेदुखी उभी राहिली आहे...

शनिवार, 19 ऑगस्ट 2017