देशात रुग्णसंख्येत मोठी घट; १.६७ लाख नवे रुग्ण

देशातील कोरोनाच्या तिसऱ्या लाटेचा वेग कमी झाला असल्याचं दिसत आहे. गेल्या २४ तासात देशात नव्या कोरोना रुग्णांची संख्या दोन लाखांच्या आत आढळून आली आहे. काल दिवसभरात १ लाख ६७ हजार ५९ नव्या रुग्णांची नोंद झाली. तसंच दिवसभरात २ लाख ५४ हजार ७६ नवे रुग्ण सापडले आहेत. देशात कोरोनाच्या सक्रीय रुग्णांची संख्या १७ लाख ४३ हजार ५९ इतकी झाली. तर रिकव्हरी रेट हा ९४.६० टक्के इतका झाला आहे. दैनंदिन पॉझिटिव्हीटी रेटही कमी झाला असून तो ११.६९ टक्क्यांवर पोहोचला आहे.

गेल्या २४ तासात देशात १ लाख ६७ हजार ५९ नवे रुग्ण आढळून आले. तर २ लाख ५४ हजार जणांनी कोरोनावर मात केली. देशात बऱ्या झालेल्या रुग्णांची एकूण संख्या ३ कोटी ९२ लाख ३० हजार १९८ इतकी आहे. सध्या एकूण रुग्णसंख्येच्या तुलनेत सक्रीय रुग्णांची संख्या ही ४.२ टक्के इतकी आहे. गेल्या २४ तासात देशात कोरोनामुळे ११९२ जणांचा मृत्यू झाला आहे.

देशात लसीकरण मोहिम वेगाने सुरु आहे. आतापर्यंत १६६.६८ कोटी डोस देण्यात आले आहेत. तसंच चाचण्यासुद्धा वाढवण्यात आल्या आहेत. गेल्या २४ तासात देशात १४ लाख २८ हजार ६७२ कोरोना टेस्ट झाल्या. आतापर्यंत ७३.०६ कोटी कोरोना चाचण्या झाल्याची माहिती केंद्रीय आरोग्य मंत्रालयाने दिली आहे.