सुवर्णपदक विजेत्या पूनम यादववर वाराणसीत हल्ला

वृत्तसंस्था
रविवार, 15 एप्रिल 2018

वाराणसी जवळील मुंगवार गावात पुनम तिच्या चुलतीच्या घरी गेली असताना त्यांच्या शेजारी राहणाऱ्या गावच्या प्रधानासोबत वाद झाला. त्यानंतर याचे रुपांतर मारहाणीत झाले.

वाराणसी : राष्ट्रकूल क्रीडा स्पर्धेत वेटलिफ्टिंगमध्ये भारताला सुवर्णपदक मिळवून देणाऱ्या पूनम यादव हिच्यावर वाराणसीत हल्ला करण्यात आला.

वाराणसी जवळील मुंगवार गावात पुनम तिच्या चुलतीच्या घरी गेली असताना त्यांच्या शेजारी राहणाऱ्या गावच्या प्रधानासोबत वाद झाला. त्यानंतर याचे रुपांतर मारहाणीत झाले. त्या प्रधानाच्या समर्थकांनी पुनमसह तिच्या भावार काठी, दगडाने हल्ला करण्याचा प्रयत्न करण्यात आला. यावेळी पुनम आपल्या कुटुंबीयांसह तेथून निघून आली. या हल्लात तिला कोणतीही जखम झालेली नाही. यावेळी वाहनांची तोडफोड करण्यात आली. या प्रकरणी रोहनिया पोलिसांत गुन्हा दाखल करण्यात आला आहे.

स्थानिक नागरिकांनी दिलेल्या माहितीनुसार, या दोन्ही कुटुंबीयांमध्ये जुना वाद आहे. पुनम यामध्ये पडली असताना तिच्यावरही हल्ला करण्यात आला. पुनमने नुकतेच ऑस्ट्रेलियात झालेल्या राष्ट्रकुल स्पर्धेत वेटलिफ्टिंगमध्ये 69 किलो वजनी गटात सुवर्णपदक मिळविले होते. तिने एकूण 222 किलो वजन उचलून सुवर्ण कामगिरी केली होती.

Web Title: CWG gold medallist Punam Yadav attacked in Varanasi