पंतप्रधान नरेंद्र मोदींची यंदाची दिवाळी कश्मीरमधील सैन्यासोबत साजरी 

गुरेझ  - पंतप्रधान नरेंद्र मोदी यांनी यावर्षीची दिवाळी कश्मीरमधील सैन्यासोबत साजरी केली. 

मी ज्यावेळेस जवांनासोबत आणि सशस्त्र सेनेसोबत वेळ घालवतो त्यावेळेस मला एक वेगऴ्याच प्रकारची ताकद मिऴत असते, असे यावेळी पंतप्रधांनानी सांगितले. जवांनांच्या कठोर परिश्रमांचे त्यांनी यावेळी कौतुक केले. 

"सैनिकांनी आपल्या प्रियजनांपासुन दुर आपल्या मातृभूमीचे संरक्षण करणे, देशासाठी बलिदान देणे हे शौर्य आणि समर्पण याचे प्रतिक आहेत. सीमेवरती सैनिक उपस्थित असणे हे करोडो भारतियांसाठी दिवाळी उत्सवाच्या निमित्ताने एक आशेचा किरण आहे आणि ही गोष्ट त्यांच्यामध्ये खुप मोठी उर्जा निर्माण करते,'' असा संदेश पंतप्रधानांनी जाताना दिला. 

सेना प्रमुख जनरल बिपिन रावत आणि वरिष्ठ अधिकारी यावेळी पंतप्रधानांसोबत होते. 

पंतप्रधांनानी सैनिकांना दिलेली ही दुसरी दिवाळी भेट आहे, यापुर्वी त्यांनी 2014 मध्ये भारतीय जनता पक्षाचे केंद्रात सरकार आल्यानंतर महिनाभराने त्यांनी भेट दिली होती. त्यावेळी त्यांना सियाचीन भागातील सैन्यासोबत वेळ घालवला होता. जगातील सर्वात उंच असणारे रणांगण जे त्यावेळी महिनाभरीपुर्वी आलेल्या पुरामुळे उद्धवस्त झाले होते, त्यासाठी त्यांना 570 कोटी रुपयांचे पॅकेज जाहीर केले होते. 

"तुमच्यामुळे 125 कोटी भारतीय लोक दिवाळी ही आनंदाने साजरी करु शकतात. पुर्ण देश तुमच्यासोबत खांद्याला खांदा लावुन उभा असेल,' असे यावेळी पंतप्रधानांनी सैनिकांना सांगितले.