नोटाबंदीचा नागरिकांना अद्यापही त्रास : ममता

वृत्तसंस्था
बुधवार, 8 फेब्रुवारी 2017

कोलकता: नोटाबंदी होऊन आज तीन महिने झाल्यानंतरही नागरिकांना अद्यापही त्याचा त्रास होत असल्याचे मत व्यक्त करीत पश्‍चिम बंगालच्या मुख्यमंत्री ममता बॅनर्जी यांनी आज (बुधवार) पंतप्रधान नरेंद्र मोदी यांच्यावर टीका केली.

कोलकता: नोटाबंदी होऊन आज तीन महिने झाल्यानंतरही नागरिकांना अद्यापही त्याचा त्रास होत असल्याचे मत व्यक्त करीत पश्‍चिम बंगालच्या मुख्यमंत्री ममता बॅनर्जी यांनी आज (बुधवार) पंतप्रधान नरेंद्र मोदी यांच्यावर टीका केली.

नोटाबंदी होऊन आज तीन महिने झाले तरीही निर्बंध कायम असल्याने नागरिकांचे आर्थिक स्वातंत्र्य नष्ट झाले आहे. जेव्हा आर्थिक स्वातंत्र्य नष्ट होते, तेव्हा मुख्य स्वातंत्र्यही नष्ट होते, असे ट्‌विट त्यांनी केले आहे. या नोटाबंदीमुळे देश दिशाहीन, उद्दिष्टहीन झाला आहे. अर्थव्यवस्थेचा वेग मंदावला आहे. देश अजून किती दिवस आर्थिक संकटाचा सामना करणार आहे, असा प्रश्‍न त्यांनी केला. केवळ काही श्रीमंतांनाच त्याचा फटका बसलेला नाही. मात्र बाकीचे सामान्य नागरिक, मध्यमवर्गीय आणि गरिबांना अद्यापही या नोटाबंदीचा त्रास सहन करावा लागत आहे, असे ममता बॅनर्जी म्हणाल्या.

Web Title: Notaban citizens still suffering: mamta