शरद पवार कोरोना संक्रमित कळताच PM मोदींना काळजी; लगेच केला फोन!

मुंबई: राज्यातील ज्येष्ठ नेते आणि राष्ट्रवादी काँग्रेसचे प्रमुख शरद पवार हे कोरोना पॉझिटिव्ह आले आहेत. शरद पवार यांनी याबाबतची माहिती आपल्या ट्विटर हँडलवरुन दिली आहे. ते कोरोना पॉझिटीव्ह असल्याचं कळताच भारताचे पंतप्रधान नरेंद्र मोदी यांनी लागलीच शरद पवार यांना फोन करत त्यांच्या तब्येतीबाबत विचारपूस केली आहे. याबाबतची माहिती देखील शरद पवार यांनी आपल्या ट्विटरवरुन दिली आहे.

शरद पवार यांनी माझी चाचणी पॉझीटीव्ह आल्याचं सांगितंलय मात्र, काळजीचं काही कारण नसल्यांच त्यांनी ट्विटद्वारे म्हटलं आहे. तसेच गेल्या काही दिवसांत आपल्या संपर्कात आलेल्यांनी स्वतःची चाचणी करुन घ्यावी तसेच योग्य ती खबरदारी घ्यावी असं आवाहनंही त्यांनी केलं आहे. (Sharad Pawar Tested Corona Positive) पुढे त्यांनी ट्विट करत सांगितलंय की, पंतप्रधान नरेंद्र मोदीजींनी माझ्या प्रकृतीची विचारपूस करण्यासाठी फोन केला. त्याच्या काळजीबद्दल आणि शुभेच्छांबद्दल मी आभारी आहे, असंही त्यांनी म्हटलंय.

दरम्यान, साधारण महिन्याभरापूर्वी २९ डिसेंबर २०२१ रोजी शरद पवार यांच्या कन्या खासदार सुप्रिया सुळे यांनाही कोरोनाची लागण झाली होती. त्यांनी ट्विट करुन ही माहिती दिली होती. सुप्रिया सुळे यांच्यासह त्यांचे पती सदानंद सुळे यांनाही कोरोनाची लागण झाली होती.