नगरपरिषदेची प्लास्टिक विरोधात कारवाई

सुनिल पाटकर
गुरुवार, 10 मे 2018

राज्य सरकारच्या आदेशाला प्रतिसाद देत महाड नगरपरिषदेने प्लास्टिक पिशव्या विरोधात धडक मोहीम हाती घेतली आहे. पालिकेने केलेल्या आवाहनानुसार गेल्या दोन दिवसांत शहरातील सुमारे पन्नासहून अधिक दुकानदारांनी सोळा किलो प्लास्टिक पिशव्या नगरपरिषदेच्या भरारी पथकाकडे जमा केल्या. नगरपरिषदेच्या या प्लास्टिक विरोधी मोहीमेचे शहरातील पर्यावरण प्रेमींकडून स्वागत करण्यात येत आहे.

महाड - राज्य सरकारच्या आदेशाला प्रतिसाद देत महाड नगरपरिषदेने प्लास्टिक पिशव्या विरोधात धडक मोहीम हाती घेतली आहे. पालिकेने केलेल्या आवाहनानुसार गेल्या दोन दिवसांत शहरातील सुमारे पन्नासहून अधिक दुकानदारांनी सोळा किलो प्लास्टिक पिशव्या नगरपरिषदेच्या भरारी पथकाकडे जमा केल्या. नगरपरिषदेच्या या प्लास्टिक विरोधी मोहीमेचे शहरातील पर्यावरण प्रेमींकडून स्वागत करण्यात येत आहे.

राज्य सरकारच्या आदेशानुसार प्लास्टिक पिशव्या तसेच थर्माकोल विक्री करण्यावर पूर्णपणे निर्बंध घालण्यात आलेले असल्याने त्याची अंमलबजावणी करण्यासाठी महाड नगरपरिषदेकडून भरारी पथक तैनात करण्यात आलेले आहे. महिनाभरापासून महाड नगरपरिषदेकडून प्लास्टिक पिशव्या वापराविरोधात शहरात दवंडी देण्यात येत आहे. तर प्लास्टिक पिशव्या दुकानात ठेवणा-या दुकानदारांवर दंडात्मक कारवाई करण्याचा इशारा देण्यात आला आहे. प्लास्टिक पिशव्यांचा साठा ज्या दुकानदांकडे आढळून येईल अशा दुकानदारांनी साठा नगरपरिषदेकडे जमा करून दंडात्मक कारवाई टाळावी असे आवाहन नगरपरिषदेकडून केले जात आहे. प्लास्टिक पिशव्या पहिल्यांदा सापडल्यास पाच हजार रु दंड, दुसऱ्यांदा प्लास्टिक पिशव्या सापडल्यास दहा हजार रु दंड तर तिस-या वेळेस ज्या दुकानदाराकडे प्लास्टिक पिशव्या आढळल्यास पन्नास हजार रु. दंड अथवा तुरूंगवासाची शिक्षेची तरतूद देखील या कायद्याद्वारे करण्यात आलेली आहे.

 

नगरपरिषदेचे मुख्याधिकारी जीवन पाटील यांच्या मार्गदर्शनाखाली, आरोग्य विभागाचे अभियंता अविनाश भोईर, आरोग्य निरीक्षक किशोर शिंदे आदी कर्मचारी या प्लास्टिक पिशव्या विरोधात भरारी पथकाची शहरात विशेष मोहीम राबविण्यात येत आहे.

Web Title: mahad muncipal corporation against plastic use