छगन भुजबळ लीलावती रुग्णालयात

सकाळ वृत्तसेवा
मंगळवार, 15 मे 2018

मुंबई - आर्थिक अफरातफरीच्या आरोपामुळे दोन वर्षे कारागृहात कैद राहिल्यानंतर जामिनावर सुटलेले राष्ट्रवादीचे नेते छगन भुजबळ यांना आज लीलावती रुग्णालयात दाखल करण्यात आले. गेल्याच आठवड्यात त्यांना केईएम रुग्णालयातून डिस्चार्ज देण्यात आला होता.

मुंबई - आर्थिक अफरातफरीच्या आरोपामुळे दोन वर्षे कारागृहात कैद राहिल्यानंतर जामिनावर सुटलेले राष्ट्रवादीचे नेते छगन भुजबळ यांना आज लीलावती रुग्णालयात दाखल करण्यात आले. गेल्याच आठवड्यात त्यांना केईएम रुग्णालयातून डिस्चार्ज देण्यात आला होता.

गॅस्ट्रोलोजीचा त्रास होत असल्याने भुजबळ यांना गेल्या आठवड्यात केईएम रुग्णालयात दाखल करण्यात आले होते. त्यांच्यावर शस्त्रक्रिया आवश्‍यक असल्याचे उपचारादरम्यान स्पष्ट झाले; परंतु शस्त्रक्रिया केईएम रुग्णालयात न करण्याचा निर्णय भुजबळ यांच्या कुटुंबीयांनी घेतला.

त्यानंतर आज ते लीलावती रुग्णालयात दाखल झाले. त्यांच्यावर तज्ज्ञांच्या मार्गदर्शनाखाली उपचार सुरू असल्याचे लीलावतीकडून स्पष्ट करण्यात आले; मात्र भुजबळ यांच्या आरोग्याबाबत तपशील देण्यास लीलावती प्रशासनाने नकार दिला.

Web Title: chhagan bhujbal in lilawati hospital sickness health