मुख्यमंत्री महोदय, आमदारांची सुटका करा : जयंत पाटील

शुक्रवार, 9 मार्च 2018

मुंबई : राज्यातील शेतकऱ्यांच्या कर्जमाफीची यादी पेनड्रायव्हमध्ये आमदारांकडे दिलीय. आता लोकांचे आमदारांना फोन येत आहेत. उद्या लोकांच्या रांगा आमदारांच्या घरासमोर लागतील. त्यामुळे कर्जमाफीची यादी वेबसाईटवर टाकून मुख्यमंत्री महोदय आमदारांची सुटका करा असे आवाहन राष्ट्रवादीचे नेते जयंत पाटील यांनी विधानसभेत केले.

मुंबई : राज्यातील शेतकऱ्यांच्या कर्जमाफीची यादी पेनड्रायव्हमध्ये आमदारांकडे दिलीय. आता लोकांचे आमदारांना फोन येत आहेत. उद्या लोकांच्या रांगा आमदारांच्या घरासमोर लागतील. त्यामुळे कर्जमाफीची यादी वेबसाईटवर टाकून मुख्यमंत्री महोदय आमदारांची सुटका करा असे आवाहन राष्ट्रवादीचे नेते जयंत पाटील यांनी विधानसभेत केले.

जयंत पाटील म्हणाले, "सरकारने कर्जमाफीची घोषणा केली. त्यानंतर आम्ही यादी मागितली. म्हणून कर्जमाफीची यादी पेन ड्राईव्हमध्ये दिली. पण त्यामुळे जनता आमदारांना फोन करत आहे. आमचं नावं यादीत आहे का, म्हणून विचारत आहेत. त्यामुळे आता लोक आमदारांच्या घरासमोर रांग लावतील. त्यामुळे कर्जमाफीची यादी वेबसाईटवर टाकून मुख्यमंत्री महोदय आमदारांची सुटका करावी अशी मागणी जयंत पाटील यांनी केली.

त्यावर निवेदन करताना मुख्यमंत्री देवेंद्र फडणवीस म्हणाले, "पेन ड्राईव्हमध्ये दिलेली कर्जमाफीची यादी ही बँकनिहाय आहे. त्यात एका तालुक्यातील बँकेने दुसऱ्या तालुक्यातील लोकांना कर्ज दिले आहे. ते त्या यादीत दुसऱ्या तालुक्यातील लोकांचे नावे दिसतील त्यामुळे लोकांमध्ये पुन्हा गैरसमज होईल. त्यासाठी कर्जमाफीची यादी साईटवर टाकली नाही.''

'तालुकानिहाय यादी बनवून लवकरात लवकर ती यादी वेबसाईटवर टाकू. त्याचबरोबर ही यादी इंग्रजीत आहे. त्यामुळे ही यादी मराठीत करून लवकरच ते वेबसाईटवर टाकण्यात येईल', असे आश्वासन मुख्यमंत्र्यांनी दिले.

Web Title: marathi news Devendra Fadnavis Cabinet Maharashtra Jayant Patil