शाहू छत्रपतींच्या विधानावर संभाजीराजेंची प्रतिक्रिया; म्हणाले, मी सत्यच बोललो पण....

राज्यसभेच्या सहाव्या जागेवरून राज्यात राजकारण चांगलंच तापलं आहे, राज्यसभेसाठी अपक्ष लढण्याचा निर्णय संभाजीराजेंनी जाहीर केला होता. त्यांचा निर्णय वयक्तिक होता असं संभाजीराजेंचे वडील शाहू छत्रपती यांनी म्हटले आहे, यानंतर संभाजीराजेंची (Sambhaji Raje) पहिली प्रतिक्रिया समोर आली आहे.

संभाजीराजेंचे वडील शाहू छत्रपती म्हणाले होते की, राज्यसभेसाठी अपक्ष लढण्याचा संभाजीराजे छत्रपती यांचा निर्णय वैयक्तिक होता. याबाबत त्यांनी कुटुंबियांशी सल्लामसलत केली नव्हती, त्यामुळं शिवसेनेनं त्यांना उमेदवारी नाकारण हा छत्रपती घराण्याचा अपमान असं म्हणता येणार नाही. यावर संभाजी राजे यांची पहिली प्रतिक्रिया देत ट्वीट केलं आहे, त्यांनी लिहीलं की, "छत्रपती शिवाजी महाराजांना स्मरूण पत्रकार परिषदेत मी सत्य तेच बोललो आहे. माझ्या वडिलांचा मी आदरच करतो. ते जे बोलले त्यावर मी काही बोलू इच्छित नाही"

संभाजीराजे यांनी आत्तापर्यंत जे राजकीय निर्णय घेतले ते वैयक्तिक पातळीवर घेतले आहेत. यासाठी त्यांनी कधीही आमच्याशी आणि कुटुंबियांशी चर्चा केली नाही. त्यामुळं त्याचे निर्णय हे छत्रपती घराण्याचे निर्णय होते असं म्हणता येणार नाही. त्यामुळं शिवसेनेनं त्यांना उमेदवारी नाकारली हा छत्रपती घराण्याचा अपमान आहे असं म्हणता येणार नाही, अस स्पष्टीकरणही त्यांनी दिलं आहे, असे शाहु महाराज म्हणाले होते.