देव्हाऱ्यात भाजलेल्या महिलेचा मृत्यू 

प्रल्हाद कांबळे
सोमवार, 7 मे 2018

नायगाव तालुक्यातील मरवाळी येथे राहणारी धुरपताबाई बळीराम पवळे (वय 86) ही वृध्द महिला आपल्याच देवघरात देवांची पूजा अर्चा करीत होती. परंतु पेटलेल्या दिव्यावर तीचा पदर पडून पदराने पेट घेतला.

नांदेड - घरातील देव्हाऱ्यात पुजा करीत असतांना पेटलेल्या दिव्यावर पदर पडल्याने गंभीर भाजलेल्या महिलेचा अखेर उपचारादरम्यान मृत्यू झाला. ही घटना मरवाळी (ता. नायगाव) येथे शुक्रवारी (ता. 1) रोजी घडली होती. 

नायगाव तालुक्यातील मरवाळी येथे राहणारी धुरपताबाई बळीराम पवळे (वय 86) ही वृध्द महिला आपल्याच देवघरात देवांची पूजा अर्चा करीत होती. परंतु पेटलेल्या दिव्यावर तीचा पदर पडून पदराने पेट घेतला. काही समजण्याच्या आतच तिच्या अंगावरील साडीने पेट घेतल्याने ती गंभीर भाजल्या गेली. नातेवाईकांनी सर्वप्रथम नायगाव ग्रामिण रूग्णालयात उपचारासाठी दाखल केले. परंतु प्रकृती गंभीर बनल्याने तिला नांदेच्या शासकिय रूग्णालयात दाखल केले. परंतु उपचार सुरू असतांना शनिवारी (ता. 5) दुपारी साडेचार वाजता तिचा मृत्यू झाला. देवाची पूजा करण्यासाठी गेलेल्या महिलेचा भाजल्याने मृत्यू झाला. तिला देवही वाचवू शकला नसल्याने सर्वत्र हळहळ व्यक्त होत आहे. या प्रकरणी रूग्णालयीन पोलिस कर्मचारी आर. जे. बायस यांच्या माहितीवरुन नायगाव ठाण्यात आकस्मिक मृत्यूची नोंद करण्यात आली आहे. तपास पोलिस नाईक श्री. वळगे हे करीत आहेत. 

आपण एका क्लिकवर ताजे अपडेट्स आपल्या मोबाईलमध्येही मिळवू शकता.

Web Title: Death of the woman who burns a fire

टॅग्स