स्थानिक गुन्हे शाखेकडून गुट्टेंची चार तास चौकशी

सकाळ वृत्तसेवा
शनिवार, 8 जुलै 2017

परभणी - सभासद शेतकऱ्यांच्या नावे बनावट कागदपत्रे, पाच राष्ट्रीयीकृत व एका खासगी बॅंकेच्या अधिकाऱ्यांशी संगनमत करून शेतकऱ्यांची फसवणूक केल्याप्रकरणी गुन्हा दाखल झालेले गंगाखेड शुगर अँड एनर्जी या साखर कारखान्याचे अध्यक्ष रत्नाकर गुट्टे यांची शुक्रवारी परभणी पोलिसांच्या स्थानिक गुन्हे शाखेकडून चार तास चौकशी झाली.

परभणी - सभासद शेतकऱ्यांच्या नावे बनावट कागदपत्रे, पाच राष्ट्रीयीकृत व एका खासगी बॅंकेच्या अधिकाऱ्यांशी संगनमत करून शेतकऱ्यांची फसवणूक केल्याप्रकरणी गुन्हा दाखल झालेले गंगाखेड शुगर अँड एनर्जी या साखर कारखान्याचे अध्यक्ष रत्नाकर गुट्टे यांची शुक्रवारी परभणी पोलिसांच्या स्थानिक गुन्हे शाखेकडून चार तास चौकशी झाली.

गंगाखेड तालुक्‍यातील विजयनगर माखणी येथील गंगाखेड शुगर कारखान्याचे सभासद असणाऱ्या सुमारे दहा हजार शेतकऱ्यांच्या नावावर बनावट कागदपत्रांच्या आधारे विविध बॅंकांतून 328 कोटी रुपयांचे कर्ज उचलून फसवणूक केल्याची फिर्याद गिरीधर सोळंके या शेतकऱ्याने बुधवारी (ता.5) गंगाखेड पोलिस ठाण्यात दिली होती. त्यावरून कारखान्याचे अध्यक्ष डॉ. गुट्टे यांच्यासह संचालक मंडळ, आर्थिक व्यवहार सांभाळणारे; तसेच पीक कर्जाची कामे हाताळणारे शेतकी अधिकारी, कर्मचारी, बनावट शिक्के व कागदपत्र तयार करणारे कर्मचारी, खासगी व्यक्ती, आंध्र बॅंक, युको बॅंक, युनायटेड बॅंक ऑफ इंडिया, सिंडिकेट बॅंक, रत्नाकर बॅंकेच्या अधिकाऱ्यांविरुद्ध बुधवारी रात्री उशिरा गुन्हा दाखल झाला.

आर्थिक गुन्ह्यात हे प्रकरण येत असल्याने स्थानिक गुन्हे शाखेने रत्नाकर गुट्टे यांना चौकशीसाठी हजर राहण्याचे आदेश दिले होते. त्यानुसार आज सकाळी साडेअकराच्या दरम्यान गुट्टे पोलिस अधीक्षक कार्यालयात हजर झाले. त्यांची सलग चार तास चौकशी झाली. दरम्यान, याचप्रकरणी पोलिसांचे एक पथक दिवसभर "गंगाखेड शुगर'वर बसून होते. तेथे येणाऱ्या शेतकऱ्यांचे जबाब नोंदविण्यात आल्याची माहिती स्थानिक गुन्हे शाखेचे पोलिस निरीक्षक संजय हिबारे यांनी दिली.

मराठवाडा

लोहा : बैलगाडा घेऊन शेतीकामाला जात असताना बैलगाडा उलथून झालेल्या अपघातात शेतमजुराचा मृत्यू झाला. ही घटना हिप्परगा गावालगतच्या...

05.30 PM

नांदेड : जगातील सर्व भाषांमधून, त्यातील साहित्यांमधून आईचे महात्म्य आणि महत्त्व अगदी मोठमोठ्या लोकांनी मुक्त-कंठाने व्यक्त केलेले...

01.12 PM

औरंगाबाद - शहरात अंत्यविधीसाठी स्वर्गरथ, मोक्षरथ, वैकुंठरथ असतात; मात्र खेड्यांत असा कोणताही रथ नसतो. गावात मृतदेह खांद्यावर घेऊन...

10.33 AM