शेतकऱ्याला सक्षम बनविणे हाच सरकारचा उद्देश  - रावसाहेब दानवे

सकाळ वृत्तसेवा
सोमवार, 20 मार्च 2017

औसा - ""आम्ही शेतकऱ्यांच्या कर्जमाफीच्या विरोधात नाही; परंतु जोपर्यंत शेतकरी शेतीत शाश्‍वत गुंतवणूक करीत नाहीत आणि त्यांच्याकडे मुबलक पाणीसाठा होत नाही, तोपर्यंत त्यांच्या समस्या सुटणार नाहीत. शेतकऱ्याला कर्जमाफी देण्यापेक्षा त्याला कर्ज फेडण्याइतपत सक्षम बनवणे हा सरकारचा उद्देश असून, पुन्हा कर्जमाफीची पाळी शेतकऱ्यांवर येऊ नये यासाठी प्रयत्न करीत आहोत. तालुक्‍यात झालेल्या नुकसानाची माहिती मुख्यमंत्री देवेंद्र फडणवीस यांना देऊन योग्य ती मदत केली जाईल,'' असे आश्वासन भाजपचे प्रदेशाध्यक्ष रावसाहेब दानवे यांनी आज येल्लोरी (ता. औसा) येथे दिले. 

औसा - ""आम्ही शेतकऱ्यांच्या कर्जमाफीच्या विरोधात नाही; परंतु जोपर्यंत शेतकरी शेतीत शाश्‍वत गुंतवणूक करीत नाहीत आणि त्यांच्याकडे मुबलक पाणीसाठा होत नाही, तोपर्यंत त्यांच्या समस्या सुटणार नाहीत. शेतकऱ्याला कर्जमाफी देण्यापेक्षा त्याला कर्ज फेडण्याइतपत सक्षम बनवणे हा सरकारचा उद्देश असून, पुन्हा कर्जमाफीची पाळी शेतकऱ्यांवर येऊ नये यासाठी प्रयत्न करीत आहोत. तालुक्‍यात झालेल्या नुकसानाची माहिती मुख्यमंत्री देवेंद्र फडणवीस यांना देऊन योग्य ती मदत केली जाईल,'' असे आश्वासन भाजपचे प्रदेशाध्यक्ष रावसाहेब दानवे यांनी आज येल्लोरी (ता. औसा) येथे दिले. 

तालुक्‍यात अवकाळी पाऊस व गारपिटीने हजारो हेक्‍टरवरील गहू, ज्वारी, हरभरा, ऊस, मका, भाजीपाला व द्राक्ष, डाळिंब या फळपिकांना फटका बसला आहे. या नुकसानाची पाहणी करण्यासाठी दानवे, पालकमंत्री संभाजी पाटील निलंगेकर तालुक्‍याच्या दौऱ्यावर होते. त्यांनी येल्लोरी गावातील द्राक्ष बागायतदार गुंडप्पा निटुरे, गुरुराज कुलकर्णी यांच्या शेतातील द्राक्षाच्या झालेल्या नुकसानाची पाहणी केली. तसेच, वरवडा (ता. औसा) येथील गारपिटीत नुकसान झालेल्या शेतकऱ्यांच्या पिकांची पाहणी केली. या वेळी दानवे यांनी या संकटात सरकार शेतकऱ्यांच्या पाठीशी खंबीरपणे उभे राहील, अशी ग्वाही दिली. ""पंतप्रधान कृषी विमा योजनेतून ज्या शेतकऱ्यांनी विमा भरला आहे, त्यांना तर विमा कंपनीकडून मदत केली जाईलच; शिवाय ज्यांनी विमा भरला नाही अशा शेतकऱ्यांनाही आर्थिक मदत करण्याचा आमचा प्रयत्न राहील,'' असे त्यांनी सांगितले. 

शेतकरी राहिले बाजूला 
शेतकऱ्याला नुकसानात धीर द्यायला आलेल्या दानवे आणि पालकमंत्री निलंगेकरांच्या ताफ्यात कार्यकर्त्यांची इतकी भाऊगर्दी होती, की पालकमंत्री आणि दानवे यांच्यापर्यंत त्यांना पोचताही आले नाही. हा दौरा कार्यकर्त्यांचा होता की, शेतकऱ्यांना धीर देण्यासाठी होता, असा प्रश्न काही शेतकऱ्यांनी उपस्थित केला. शेतकऱ्यांना बाजूला सारून हे कार्यकर्ते "साहेब' आणि "भय्यां'च्या बाजूला उभे राहून फोटोत येण्यासाठी धडपडत होते, त्यामुळे गरीब शेतकऱ्यांना मंत्र्यांना आपले दुःख काही सांगता आले नाही. 

मराठवाडा

औरंगाबाद - जिल्हा परिषदांतर्गत शिक्षकांच्या बदल्यांच्या नव्याने जाहीर केलेल्या धोरणाला आव्हान देणाऱ्या विविध याचिकांवर...

07.00 PM

औरंगाबाद  : छोट्या छोट्या गोष्टींच्या तक्रारी करतात या जिल्ह्यात कुणी संघटनेला वेळ देत नाही. पक्षाची वाट लावली असून...

03.36 PM

लातूर : निलंगा तालुक्‍यातील 'शेतकरी संवाद' कार्यक्रम आटोपून मुख्यमंत्री...

03.24 PM