एअरटेलचे अत्याधुनिक ब्रॉडबॅण्ड तंत्रज्ञान!

मुंबई - अत्याधुनिक "व्ही फायबर' हे ब्रॉडबॅण्डचे अत्याधुनिक तंत्रज्ञान मुंबईतील ग्राहकांसाठी एअरटेलने आणले आहे. घरगुती गॅजेट्‌समध्ये एकाचवेळी अनेक उपकरणांसाठी जलद गतीने इंटरनेट वापरणे यामुळे शक्‍य होईल. व्ही फायबर तंत्रज्ञानामुळे 100 एमबीपीएस वेगाने ब्रॉडबॅण्ड इंटरनेटचा वेग वाढेल, असे कंपनीचे म्हणणे आहे.

सध्या एअरटेल ब्रॉडबॅण्ड वापरणाऱ्या ग्राहकांना व्ही फायबर तंत्रज्ञानासाठी मॉडेम बदलावा लागणार आहे. व्हेक्‍टरायजेशन या युरोपच्या तंत्रज्ञानावर आधारीत हे युरोपातील तंत्रज्ञान आहे. वायफायवर एकाचवेळी अनेक गॅजेट्‌सवर डाऊनलोडिंग तसेच अपलोडिंगही यामुळे शक्‍य होईल. चेन्नईत मिळालेल्या यशानंतर हे तंत्रज्ञान बुधवारपासून मुंबईत आणण्यात आले आहे. सध्याचे एअरटेलचे शंभर टक्के ब्रॉडबॅण्ड ग्राहक नवीन तंत्रज्ञान स्वीकारतील, अशी माहिती एअरटेल मुंबईचे मुख्य कार्यकारी अधिकारी समीर बात्रा यांनी दिली. व्हॉईस तसेच लॅण्डलाईन कॉलिंगसारख्या सुविधाही ब्रॉडबॅण्ड तंत्रज्ञानामुळे शक्‍य होतील. या मॉडेमसाठी ग्राहकांना एक हजार रुपये खर्च करावे लागतील. ब्रॉडबॅण्डसाठी किमान मासिक दर 899 रुपये आहे.