केडीएमटीच्या  अनुदानासाठी पालिकेला साकडे

सकाळ वृत्तसेवा
बुधवार, 28 फेब्रुवारी 2018

कल्याण -  कल्याण डोंबिवली महापालिका परिवहन समितीला (केडीएमटी) आर्थिक ताकदीची गरज असून सार्वजनिक उपक्रमाच्या स्पर्धेत टिकण्यासाठी आर्थिक पाठबळ द्या, असे प्रतिपादन केडीएमटीचे सभापती संजय पावशे यांनी मंगळवारी (ता. २७) अंदाजपत्रक सादर करताना महापालिकेला घातले.

कल्याण -  कल्याण डोंबिवली महापालिका परिवहन समितीला (केडीएमटी) आर्थिक ताकदीची गरज असून सार्वजनिक उपक्रमाच्या स्पर्धेत टिकण्यासाठी आर्थिक पाठबळ द्या, असे प्रतिपादन केडीएमटीचे सभापती संजय पावशे यांनी मंगळवारी (ता. २७) अंदाजपत्रक सादर करताना महापालिकेला घातले.

सभापती संजय पावशे यांनी आज दुपारी केडीएमटीचे अंदाजपत्रक स्थायी समितीसमोर सादर केले. या वेळी स्थायी समिती सभापती राहुल दामले, आयुक्त पी. वेलरासू, संजय जाधव, स्थायी समिती सदस्य, परिवहन समिती सदस्य आणि पालिका अधिकारी आदी उपस्थित होते. केडीएमटीचा २०१७-१८ चा सुधारित जमा ८५ कोटी ४९ लाख ४८ हजार रुपये, खर्च ८२ कोटी ९९ लाख ३२ हजार रुपये आणि शिल्लक दोन कोटी ५० लाख सहा हजार रुपयांचे अंदाजपत्रक तसेच २०१८-१९ साठीचा जमा ११८ कोटी १२ लाख ४० हजार, खर्च ११५ कोटी ४५ लाख २४ हजार रुपये आणि दोन कोटी ६७ लाख १६ हजार रुपये शिलकीचे अंदाजपत्रक संकल्प पावशे यांनी सादर केले. केडीएमटीच्या बसमधून सवलतीच्या दरात अपंग, अंध, विद्यार्थी, पत्रकार, स्वातंत्र्य सैनिक आदींना प्रवास दिला जातो. आता शालेय विद्यार्थ्यांना मोफत पास देण्याचा मानस असून राज्य सरकारच्या निधीमधून महिला विशेष तेजस्विनी बस सुरू करणार असल्याचे सभापती पावशे यांनी या वेळी सांगितले.

Web Title: marathi news KDMT municipal corporation