ओव्हरहेड वायर तुटल्याने हार्बर मार्गावरील लोकल वाहतूक विस्कळीत
मानखुर्द ते पनवेल दरम्यान हार्बर मार्गावर ओव्हरहेड वायर तुटल्याने लोकलसेवा विस्कळीत झाली आहे. ऐन सकाळी ही घटना घडल्याने चाकरमान्यांना मोठा फटका बसला आहे.
मानखुर्द गोवंडीजवळ ओव्हरहेड वायर तुटल्याने पनवेलकडून सीएसटीएमला जाणाऱ्या वाहतुकीचा खोळंबा झाला आहे. त्यामुळे पनवेल ते सीएसटीएम आणि सीएसटीएम ते पनवेल लोकल 15 ते 20 मिनिटे उशिराने धावत आहेत.
रेल्वे सेवा विस्कळीत झाल्याने हार्बर मार्गावरील रेल्वेस्थानकांवर तुफान गर्दी झाली. त्यातच मुंबई आणि नवी मुंबईत पावसाने चांगलाच जोर धरला आहे त्यामुळे प्रवाशांची तारांबळ उडाली.
मध्यरात्रीपासून मुंबईसह नवी मुंबईत पावसाला सुरूवात झाली आहे. त्यामुळे अनेक ठिकाणी पाणी साचल्याचे पाहायला मिळत आहे. मात्र, पहिल्याच पावसात मानखुर्द ते पनवेल दरम्यान ओव्हरहेड वायर तुटल्याने लोकलसेवा विस्कळीत झाली आहे. त्यामुळे मुंबईला येणारी लोकल सेवा नवी मुंबईतच थांबल्याने मुंबईकडे जाणाऱ्या प्रवाशांची प्रचंड गैरसोय झाली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.