इंधन दर वाढीविरोधात पंचायत समिती सदस्य वापरतोय सायकल

इंधन दर वाढीविरोधात पंचायत समिती सदस्य वापरतोय सायकल

दिघंची - सध्या पेट्रोल व डिझेलच्या दरवाढीने देशातील सामान्य जनतेचे कंबरडे मोडले आहे. जनतेची आर्थिक घडी विस्कटली आहे. पेट्रोल वाहनाला फाटा देत व मोदी सरकारचा निषेध व्यक्त करीत दिघंची येथील राष्ट्रवादीचे पंचायत समिती सदस्य कल्लापा कुटे यांनी चक्क सायकलवरून प्रवास सुरु केला आहे.

वारकरी असणारे कुटे यांना गावात नाना म्हणून ओळखले जाते. नाना हे अत्यंत शांत व संयमी स्वभावाचे असुन गावातील हरीनाम सप्ताह असो, पंढरपूर दिंडी सोहळा, भजन ,कीर्तन अशा सर्व कार्यक्रमामध्ये त्यांचा सहभाग मोठा असतो.

सगळीकडे इंधन वाढीच्या व मोदी सरकाच्या विरोधात आंदोलन, मोर्चे काढण्यात आले मात्र डिझेल व पेट्रोलचे दर कमी झाले नाहीत तर ते उलट वाढतच चालले आहेत. यावर उपाय म्हणून व सरकारचा निषेध म्हणून कुटे यांनी स्वतः च सायकलचा वापर सुरू केला आहे .गावामधून व मळ्यात इतरत्र सगळीकडे ते सायकलचा वापर करत आहेत. सध्या गावामध्ये नानांच्या सायकलची चर्चा सुरु आहे.
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com