कर्जमाफीवरून किसान सभा पुन्हा आक्रमक 

तात्या लांडगे
बुधवार, 30 मे 2018

सोलापूर - राज्य सरकारने शेतकऱ्यांसाठी केलेल्या कर्जमाफीची प्रक्रिया आता ठप्प झाली आहे. 12 मार्च रोजी किसान सभेने मोर्चा काढल्यानंतर मुख्यमंत्र्यांनी मान्य केलेल्या बाबींची अंमलबजावणी अद्यापही सुरू झालेली नाही. त्यामुळे आता जोवर राज्यातील सर्व शेतकऱ्यांना कर्जमाफी मिळत नाही, तोवर टप्प्याटप्प्यांत सरकारविरोधात आंदोलने केली जातील, अशी माहिती किसान सभेचे राष्ट्रीय सदस्य सिद्धप्पा कलशेट्टी यांनी दिली. 

सोलापूर - राज्य सरकारने शेतकऱ्यांसाठी केलेल्या कर्जमाफीची प्रक्रिया आता ठप्प झाली आहे. 12 मार्च रोजी किसान सभेने मोर्चा काढल्यानंतर मुख्यमंत्र्यांनी मान्य केलेल्या बाबींची अंमलबजावणी अद्यापही सुरू झालेली नाही. त्यामुळे आता जोवर राज्यातील सर्व शेतकऱ्यांना कर्जमाफी मिळत नाही, तोवर टप्प्याटप्प्यांत सरकारविरोधात आंदोलने केली जातील, अशी माहिती किसान सभेचे राष्ट्रीय सदस्य सिद्धप्पा कलशेट्टी यांनी दिली. 

कर्जमाफीसाठी ऑनलाइन अर्ज करण्याची मुदत 5 जूनपर्यंत आहे. परंतु, बॅंकांकडून माहिती घेऊन शेतकऱ्यांना थेट कर्जमाफीचा लाभ तत्काळ द्यावा. आणखी 21 हजार कोटी रुपयांची कर्जमाफी सरकारकडे शिल्लक आहे. परंतु, सरकार वारंवार क्‍लृप्त्या काढत वेळकाढूपणा करत आहे. त्यामुळे ऐन खरीप हंगामात लाखो शेतकऱ्यांना बॅंकांकडून नव्याने कर्ज मिळत नसल्याचे कलशेट्टी यांनी सांगितले. 

...असा राहणार कार्यक्रम 
- 1 जून : जिल्हाधिकारी कार्यालयासमोर धरणे 
- 9 ऑगस्ट : जेलभरो आंदोलन 
- 5 सप्टेंबर : दिल्लीत पुन्हा मोर्चा 
- ऑक्‍टोबर : भारत बंद, रास्ता रोको 

Web Title: Kisan Sabha again aggressive from loan