सेना राष्ट्रवादी युतीला महाआघाडीचे आव्हान

सकाळ वृत्तसेवा
सोमवार, 31 ऑक्टोबर 2016

नगराध्यक्षपदासाठी शिवसेना-राष्ट्रवादी आघाडी विरोधात भाजप-जनसुराज्य व मित्रपक्षांची महाआघाडी अशी एकास एक लढत होणार आहे.

मलकापूर - मलकापूर पालिकेची सत्ता मिळवण्यासाठी शिवसेनेचे आमदार सत्यजित पाटील व राष्ट्रवादीचे मानसिंग गायकवाड यांनी ताकद एकवटली आहे. त्यांच्या विरोधात माजी मंत्री विनय कोरे, आमदार अमल महाडिक यांच्या मार्गदर्शनाखाली जिल्हा बॅंकेचे संचालक सर्जेराव पाटील-पेरीडकर व प्रवीण प्रभावळकर यांनी आपली ताकद पणाला लावली आहे. नगराध्यक्षपदासाठी शिवसेना-राष्ट्रवादी आघाडी विरोधात भाजप-जनसुराज्य व मित्रपक्षांची महाआघाडी अशी एकास एक लढत होणार आहे.

शिवसेनेला नगराध्यक्षांसह 12 व राष्ट्रवादीला 5 जागा देण्याचे ठरले आहे. भाजप-जनसुराज्य महाआघाडीतून नगराध्यक्षांसह 9 जागा भाजपला व इतर 8 जागा जनसुराज्यला देण्याचे ठरले आहे. राष्ट्रवादी चिन्हावर निवडणूक लढवणार नाही. त्यामुळे या निवडणुकीत शिवसेनेचा धनुष्यबाण, भाजपचे कमळ, जनसुराज्याचा नारळ असेल. पक्षापेक्षा गटातटांच्या राजकारणाला येथे महत्त्व आहे. आघाड्यांची जुळवाजुळव व जागा वाटप यामध्ये नाराज झालेले माजी नगराध्यक्ष शामराव कारंडे, माजी उपनगराध्यक्ष रमेश चांदणे, माजी नगरसेवक राजेंद्र देशमाने यांचीही वेट अँड वॉचची भूमिका महत्त्वाची ठरू शकते.

पश्चिम महाराष्ट्र

1 लाख 700 रुपयांची मशीन 2 लाख 550 रुपयांना - उमेश सावंत यांची चौकशीची मागणी  जत - नगरपालिकेने गतवर्षी नोव्हेंबर...

08.54 AM

पाठ्यपुस्तकांचा पुरवठा नाही - पहिल्या दिवशी पुस्तके घोषणा पाच वर्षांपासून हवेतच...

08.54 AM

विटा - आदर्श अभियांत्रिकी महाविद्यालयातील इलेक्‍ट्रिकल विभागातील विद्यार्थ्यांनी...

08.54 AM