सोलापूर परिसरात अवकाळी पावसाची मेघगर्जनेसह दमदार हजेरी

तब्बल २३.८ मिलिमीटर पावसाची नोंद झाली
Heavy rains in solapur
Heavy rains in solapurSakal

सोलापूर - सोलापूर शहर व परिसराची आजची (रविवार) सकाळ पावसाळ्याचा अनुभव देणारी ठरली. शनिवारी रात्रीपासून सोलापूर शहर व परिसरात अवकाळी पावसाने मेघगर्जनेसह दमदार हजेरी लावली. शनिवारी सकाळी साडेआठ ते रविवारी सकाळी साडेआठपर्यंत सोलापूर शहर व परिसरात तब्बल २३.८ मिलिमीटर पावसाची नोंद झाली. विजांच्या प्रचंड गडगडाटात पावसाने हजेरी लावल्याने सध्या पावसाळा सुरू आहे की उन्हाळा, असा प्रश्‍न पडला आहे.

अवकाळी पावसाची हजेरी आणि विजांचा गडगडाट असल्याने वीजपुरवठा खंडित झाला होता. खंडित झालेल्या वीजपुरवठ्यामुळे अनेकांची झोपमोड झाली. सोलापूर शहरासह जिल्ह्याच्या ग्रामीण भागातही अवकाळी पावसाने दमदार हजेरी लावली आहे. जिल्ह्यात काही ठिकाणी शनिवारी दुपारपासूनच पावसाला सुरवात झाली. शनिवारी रात्री व आज सकाळी जिल्ह्याच्या ग्रामीण भागात पावसाने हजेरी लावली. शनिवारी रात्री झालेला दमदार अवकाळी पाऊस व रविवारी दिवसभर ढगाळ वातावरण यामुळे सोलापूरच्या कमाल तापमानात मोठी घट झाली होती. रविवारी सोलापू्र शहर व परिसरात ३४.६ अंश सेल्सिअस एवढ्या कमाल तापमानाची नोंद झाली. शनिवारी सोलापू्र शहर व परिसरात ४० अंश सेल्सिअस तापमानाची नोंद झाली होती. एकाच दिवसात ५.४ अंश सेल्सिअसने आज तापमान घटले होते. उन्हाचा चटका आणि उकाड्याने हैराण झालेल्या सोलापूरकरांना आजचा दिवस सुखद गेला. नेहमीच्या तुलनेत आज उन्हाचा चटका आणि उकाडा कमी होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com