विकास सोसायट्या सक्षमीकरणाची मोहीम ढेपाळली 

तात्या लांडगे
मंगळवार, 5 जून 2018

सोलापूर : राज्यात 21 हजार 70 विकास सोसायट्या आहेत. त्यापैकी शासनाच्या अटल महापणन अभियानांतर्गत निवडलेल्या 3 हजार 622 पैकी 915 विकास सोसायट्यांनीच स्वत:चे व्यवसाय सुरू केले आहेत. त्यामध्ये मुख्यमंत्री देवेंद्र फडणवीस यांचा नागपूर विभागच पिछाडीवर आहे. 

सोलापूर : राज्यात 21 हजार 70 विकास सोसायट्या आहेत. त्यापैकी शासनाच्या अटल महापणन अभियानांतर्गत निवडलेल्या 3 हजार 622 पैकी 915 विकास सोसायट्यांनीच स्वत:चे व्यवसाय सुरू केले आहेत. त्यामध्ये मुख्यमंत्री देवेंद्र फडणवीस यांचा नागपूर विभागच पिछाडीवर आहे. 

खासगी सावकारांच्या पाशातून शेतकऱ्यांना मुक्‍त करण्याकरिता राज्य पातळीवरील राज्य बॅंक आणि जिल्हा पातळीवरील जिल्हा बॅंक तर गावपातळीवरील विकास सोसायट्या सक्षम करण्यात येत आहेत. त्यासाठी अटल महापणन अभियान राबविण्यात येत असून त्याअंतर्गंत गावपातळीवर जिल्हा बॅंकेंतर्गत काम करणाऱ्या विकास सोसायट्या सक्षम करण्यात येत आहेत. परंतु, राज्यातील सुमारे 10 जिल्हा बॅंका आर्थिकदृष्ट्या अडचणीत आहेत. या अभियानानुसार प्रत्येक सोसायट्यांना स्वत:च्या भांडवलातूनच व्यवसाय सुरू करावे लागत असल्याने बहुतांशी सोसायट्यांकडून पाठ फिरविली जात असल्याचे चित्र आहे.

अटल महापणन अभियानांतर्गत व्यवसाय सुरू करण्याकरिता पणन विभागाकडून सहकर्याची अपेक्षा बहुतांशी सोसायट्यांनी केली आहे. योजना जरी प्रभावी असली तरी त्यासाठी भांडवल आवश्‍यक असून त्यासाठी शासनाने अर्थसहाय करण्याची गरज तज्ज्ञांकडून व्यक्‍त होत आहे. 

विभागनिहाय व्यावसायिक सोसायट्या 
नाशिक 
582 पैकी 285 
पुणे 
390 पैकी 59 
कोल्हापूर 
477 पैकी 205 
औरंगाबाद 
312 पैकी 30 
लातूर 
440 पैकी 51 
अमरावती 
616 पैकी 110 
नागपूर 
464 पैकी 50 

आकडे बोलतात... 
एकूण सोसायट्या 
21,070 
पहिल्या टप्प्यातील सोसायट्या 
3,622 
व्यवसायिक सोसायट्या 
915 
रोजगार निर्मिती 
9108 
व्यवसायातून मिळालेला नफा 
2,76,45,510 
गुंतवलेली एकूण रक्‍कम 
20,20,11,736

Web Title: vikas society sakshamikaran mohim downs