वरिष्ठ अधिकाऱ्याने तरुणीला प्रेमाच्या जाळ्यात ओढून केला अत्याचार

पुणे - कंपनीत वरिष्ठ पदावर असल्याचा गैरफायदा घेत, तसेच प्रेमाच्या जाळ्यात (Love Trap) ओढून तरुणीवर (Girl) एकाने अत्याचार (Tyranny) केल्याचा प्रकार उघडकीस आला आहे. या प्रकरणी दोघांविरुद्ध पोलिसांनी (Police) मंगळवारी (ता. १) गुन्हा (Crime) दाखल केला.

राहुलकुमार सिंग (वय ३७, रा. खराडी) आणि मालव आचार्य (वय ३०, रा. अहमदाबाद ) ही संशयित आरोपींची नावे आहेत. या प्रकरणी अहमदाबाद येथील एका तरुणीने हडपसर पोलिस ठाण्यात फिर्याद दिली आहे. ही घटना मांजरी, खराडीसह वेगवेगळ्या ठिकाणी ऑक्टोबर २०२० च्या पहिल्या आठवड्यापासून ११ जून २०२१ दरम्यान घडली.

पोलिसांनी दिलेल्या माहितीनुसार, फिर्यादी तरुणी शहरातील एका खासगी कंपनीत नोकरीस होती. राहुलकुमार तिचा वरिष्ठ अधिकारी होता. त्याने पदाचा गैरफायदा घेऊन तिला प्रेमाच्या जाळ्यात ओढले. पत्नीला घटस्फोट देऊन तुझ्यासोबत लग्न करतो, असे आमिष तरुणीला दाखवले व तिच्यावर वारंवार बलात्कार केला.

तरुणीने आरोपीकडे लग्न करण्याबाबत विचारणा केली असता त्याने मालव आचार्य याच्या मदतीने तिच्या राहत्या ठिकाणी तसेच कंपनीमध्ये बदनामी केली. तिला पुण्यातील राहते घर सोडायला लावून अहमदाबादला परत जाण्यास भाग पाडले. तसेच पोलिस तक्रार केल्यास तिला व तिच्या कुटुंबीयांना ठार करण्याची धमकी तो वारंवार देत होता. त्याच्या छळाला कंटाळून अखेर तरुणीने फिर्याद दिली आहे.