मंगळावर आणखी एक मोहीम, शुक्रावरही जाणार

वृत्तसंस्था
सोमवार, 13 फेब्रुवारी 2017

असे आहेत 104 उपग्रह
पीएसएलव्हीच्या प्रक्षेपणानंतर प्रथम कार्टोसॅट- 2 हा उपग्रह अवकाशात सोडला जाईल. चीन आणि पाकिस्तान या शेजाऱ्यांच्या हालचालींवर लक्ष ठेवणे हा या उपग्रहाचा उद्देश आहे. यानंतर दहा किलोपेक्षाही कमी वजनाचे दोन उपग्रह सोडले जातील. त्यानंतर "इस्रो'चा खरा कस लागणार असून, पाचशे किमीपेक्षाही अधिक उंचीवर अवकाशामध्ये उर्वरित 101 उपग्रह सोडले जाणार आहेत. यामध्ये इस्राईल, कझाकस्तान, नेदरलॅंड, स्वित्झर्लंड आणि संयुक्त अरब अमिरातीचा प्रत्येकी एक उपग्रह असून 96 उपग्रह अमेरिकेचे आहेत.

बंगळूर : पृथ्वीच्या शेजारील ग्रह असलेल्या शुक्रावर जाण्याची मोहीम भारत राबविणार असून, मंगळावरही आणखी एक मोहीम राबविणार आहे. केंद्रीय अर्थसंकल्पामध्येच केंद्र सरकारने यासाठी तरतूद केली आहे.

भारतीय अवकाश संशोधन संस्था (इस्रो) आपल्या आगामी अवकाशमोहिमेत तब्बल 104 उपग्रह एकाच वेळी अवकाशात सोडणार असल्याच्या पार्श्‍वभूमीवर या नव्या मोहिमांना अधिकृत मान्यता मिळाल्याने भारतीय संशोधकांमध्ये उत्साहाचे वातावरण आहे. कोणत्याही देशाने एकाच वेळी इतके उपग्रह अवकाशात सोडलेले नाहीत. रशियाने 2014 मध्ये 37 उपग्रह अवकाशात सोडून विक्रम प्रस्थापित केला आहे. नियोजनानुसार, 15 फेब्रुवारीला पीएसएलव्हीद्वारे तीन भारतीय आणि 101 विदेशी उपग्रहांचे प्रक्षेपण करून भारत नवा इतिहास रचणार आहे.

गेल्या काही काळातील "इस्रो'च्या कामगिरीवर केंद्र सरकार खुश असल्याने त्यांनी यंदाच्या अर्थसंकल्पात अवकाशशास्त्र विभागाच्या निधीमध्ये तब्बल 23 टक्के वाढ केली आहे. या निधीचा वापर दुसरी मंगळ मोहीम आणि शुक्र मोहिमेसाठी करायचा आहे.

"इस्रो'ने केलेल्या नियोजनानुसार, मंगळ मोहिमेला 2021-2022 मध्ये सुरुवात होणार असून, मंगळावर रोबो उतरविला जाणार आहे. भारताची पहिली मंगळ मोहीम पूर्णपणे स्वदेशी होती. या दुसऱ्या मोहिमेत मात्र रोबोची निर्मिती करून सहकार्य करण्याचा प्रस्ताव फ्रान्सच्या अवकाश संस्थेने दिला आहे. किमान मंगळावर सध्या असलेल्या "नासा'च्या वाहनाचा आणि "इस्रो'चा संपर्क व्हावा, यासाठी या रोबोवर टेलेमॅटिक्‍स मोड्यूल बसविण्यासाठी आम्ही प्रयत्नशील आहोत, असे "नासा'च्या जेट प्रॉपल्शन लॅबचे संचालक मायकेल वॅटकिन्स यांनी म्हटले आहे.

शुक्र ग्रहाबाबत फारशी माहिती उपलब्ध नसल्याने ही मोहीमही अत्यंत महत्त्वाची असल्याचे वॅटकिन्स यांनी सांगितले, त्यामुळे या मोहिमेसाठी "इस्रो'बरोबर भागीदारी करण्याची "नासा'ची इच्छा आहे. या संदर्भात नासा आणि इस्रोमध्ये आतापासूनच चर्चा सुरू झाली आहे.

साय-टेक

आज जागतिक छायाचित्र दिवस. जगभरातल्या फोटोग्राफर्सना प्रेरणा देणारा दिवस. मोबाईलच्या युगानंतर फोटोग्राफी प्रत्येकाच्या हातात आलीय...

शनिवार, 19 ऑगस्ट 2017

सॅमसंग गॅलेक्सी नोट 8 मध्ये तब्बल 6 जीबी 'रॅम' असेल, असे समजते आहे. इलेक्ट्रॉनिक्स उपकरणांची चाचणी घेणाऱया Geekbench या...

शनिवार, 12 ऑगस्ट 2017

वनप्लस (OnePlus) ब्रँडचे मोबाईल हँडसेट वापरणाऱयांसाठी महत्वाची बातमी. आपले वनप्लस3 आणि वनप्लस3टी या मोबाईलवर अँड्रॉईड ओ नंतर...

शनिवार, 12 ऑगस्ट 2017