चाळीसगाव: विहीरीत पडून तरुणाचा मृत्यू
मेहुणबारे (ता.चाळीसगाव) : विहीरीवर पिण्यासाठी पाणी काढतांना पाय घसरून पाण्यात बुडून तरुणाचा मृत्यू झाल्याची घटना नुकतीच चिचंगव्हाण (ता.चाळीसगाव) येथे घडली.
चिचंगव्हाण (ता.चाळीसगाव) येथील कैलास सोनवणे यांचा मुलगा विकास सोनवणे ( वय 21) हा तरूण बकऱ्या चारण्यासाठी शेत शिवारात गेलेला होता. दुपारी तीनच्या सुमारास विकासला पाण्याची तहान लागल्याने तो पाणि पिण्यासाठी पंडीत लाला पाटील यांच्या गट नंबर 382 मध्ये असलेल्या विहिरीवर गेला.
विहीरीवर पाणि काढत असतांना विकासचा तोल गेल्याने तो चाळीस फुट खोल असलेल्या विहीरीत पडला. त्या विहिरीला सुमारे तीस फुट पाणी असल्याने विकासचा पाण्यात बुडून मृत्यु झाला.या प्रकरणी मेहुणबारे पोलिसात अकस्मात मृत्यूची नोंद करण्यात आली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.