नाशिक : येवला टोलनाक्यावर वाहनातील भाजीपाला रस्त्यावर ओतला. मांस वाहतूक करणारा टेम्पो पेटवण्यात आला. कोपरगाव-येवला रस्त्यावर शेतकऱ्यांच्या आडून तरुणांनी शेतमाल लुटला. पिंपळगाव जलाल टोकनाक्यावर तणाव तयार झाल्याने पोलिसांनी जमावाला पांगवण्यासाठी अश्रूधुराचे फोडले नळकांडे आणि प्लास्टिक गोळ्यांचे फायरिंग. यामध्ये शेतकरी जखमी झाले आहेत.
- नैताळे (ता. निफाड) येथे नाशिक-औरंगाबाद महामार्गावर ट्रक-टेम्पो अडवून कांदा, डाळिंब, आंबे रस्त्यावर ओतले. पोलिसांकडून लाठीमार. जमावाकडून पोलिस वाहनांवर दगडफेक. पोलिसांनी ताब्यात घेतलेल्या शेतकऱ्यांना सोडण्यासाठी रास्ता-रोको आंदोलन
- बाजार समित्यांसह दूध संकलन केंद्रांवरील व्यवहार ठप्प. लासलगाव बाजार समितीला शेतकऱ्यांनी ठोकले टाळे. मुंबईला जाणारा फळे-भाजीपाला थांबला. नाशिक बाजार समितीच्या पुढील भागात भाजीपाल्याची विक्री करणाऱ्या विक्रेत्यांचा शेतमाल तरुण कार्यकर्त्यांनी रस्त्यावर ओतला. एकाच दिवसात भाजीपाल्याचे भाव दुप्पटीने कडाडले
- भरवस फाटा (ता. निफाड) येथे टॅंकरमधील सोडले दिले. आंदोलनकांना पांगवताना पोलिस गाडीवर दगडफेक. 8 शेतकऱ्यांसह 18 मोटारसायकली पोलिसांनी घेतल्या ताब्यात.
- मऱ्हळ (ता. सिन्नर), औंदाणे (ता. मालेगाव), वडाळीभोई (ता. चांदवड) येथे 25 हजार लिटर आणि येवला, नगरसूल, सायगाव येथे शेतकऱ्यांनी ओतले दूध. टाकळी-विंचूर येथे 500 लिटरभर दूधाच्या पिशव्या फेकल्या. दिंडोरीमध्ये दूधाच्या गाड्या अडवल्या.
- शेतकऱ्यांच्या विरोधात वक्तव्य केल्याबद्दल भाजपचे प्रवक्ते माधव भंडारी यांच्या प्रतिकात्मक पुतळ्याचे सायगाव (ता. येवला) येथे दहन. तसेच शेतकऱ्यांच्या संपाला विरोध केल्याबद्दल माजीमंत्री-वनाधिपती आणि जिल्ह्यातील ज्येष्ठ नेते विनायकदादा पाटील यांच्याही पुतळ्याचे चिंचखेड (ता. दिंडोरी) येथे दहन. "विनायकदादा विकावू दादा', अशा घोषणा आंदोलनकर्त्यांनी दिल्या
- वडाळीभोई (ता. चांदवड), अंदरसूल (ता. येवला) येथील आठवडा बाजार आणि दिंडोरीमधील रोजचा बाजार बंद. मनमाडमध्ये इंदूर-पुणे महामार्गावरील मालेगाव चौफुलीसह चांदवडमध्ये रास्ता-रोको. थेरगाव, बोकडदरे (ता. निफाड) येथे रस्त्यावर कांदा फेकला. नाशिक-सापुतरा, नाशिक-बलसाड, पिंपळगाव-सापुतरा मार्गावरील दूध-फळे वाहतूक अडवली. दौंडत (ता. इगतपुरी) येथे भाकड जनावरांना शेतमाल खायला घालत शेतकऱ्यांचा निषेध. ओझर येथे रस्त्यावर टरबूज फेकले.
|