खामगाव - मराठा समाजाला आरक्षण मिळावे यासाठी खामगाव येथील सकल मराठा समाजाच्या वतीने आज स्थानिक उपविभागीय अधिकारी कार्यालयासमोर ठिय्या आंदोलन आणि डफडे बजावो आंदोलन करण्यात आले. तर उद्या (ता.8) ऑगस्ट रोजी या आंदोलनात सरकारचे लक्ष वेधण्यासाठी घंटानाद आंदोलन करुन समाजाचे हजारो युवक मुंडन करणार आहेत.
मराठा समाजाला आरक्षण मिळावे याकरीता राज्यभर आंदोलने सुरु आहेत. या आंदोलनास पाठिंबा देण्यासाठी तसेच मराठा आरक्षण मागणीकडे सरकारचे लक्ष वेधण्यासाठी खामगाव येथे आज ( ता.7) ऑगस्ट ते 9 ऑगस्ट पर्यंत हे आंदोलन येथील उपविभागीय अधिकारी यांच्या कार्यालयासमोर सुरु राहणार आहे. तर उद्या सरकारचे लक्ष वेधण्यासाठी घंटानाद आंदोलन करण्यात येणार आहे. या आंदोलनादरम्यान हजारो युवक मुंडन सुध्दा करणार आहेत.
गुरुवार (ता. 9) ऑगस्ट रोजी संपूर्ण महाराष्ट्र बंदचे आवाहन सकल मराठा समाजाच्या वतीने करण्यात आले आहे. तरी शाळा, कॉलेज, संस्थान व शहरातील व्यापार्यांनी आपली प्रतिष्ठाने बंद ठेवून या आंदोलनाला सहकार्य करावे असे आवाहन सकल मराठा समाजाच्या वतीने करण्यात आले आहे. या आंदोलनाला शिख समाज, मुस्लिम समाज, भारिप बहुजन महासंघ, डावी आघाडी यांनी पाठिंबा दिला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.