विहीरगाव परिसरात वाघाची दहशत

सकाळ वृत्तसेवा
मंगळवार, 31 जानेवारी 2017

देसाईगंज - तालुक्‍यातील विहीरगाव, चिखली रिठ, डोंगरगाव (हलबी), शिरपूर परिसरात वाघाने धुमाकूळ घातला आहे. त्यामुळे या परिसरातील नागरिकांमध्ये भीतीचे वातावरण पसरले आहे.

मागील १५ दिवसांपासून विहीरगाव परिसरात वाघ फिरत असल्याची माहिती नागरिकांनी वनविभागाच्या अधिकाऱ्यांना दिली. वनविभागाने या परिसरात कॅमेरा ट्रॅपिंग केले. एका कॅमेऱ्यात वाघाचे छायाचित्र आल्याने वाघ इथेच असल्याचे स्पष्ट झाले. या परिसरातील गाय, शेळ्या यांच्यावर वाघाने ताव मारला आहे. मात्र, अद्याप कोणत्याही माणसावर हल्ला केलेला नाही.

देसाईगंज - तालुक्‍यातील विहीरगाव, चिखली रिठ, डोंगरगाव (हलबी), शिरपूर परिसरात वाघाने धुमाकूळ घातला आहे. त्यामुळे या परिसरातील नागरिकांमध्ये भीतीचे वातावरण पसरले आहे.

मागील १५ दिवसांपासून विहीरगाव परिसरात वाघ फिरत असल्याची माहिती नागरिकांनी वनविभागाच्या अधिकाऱ्यांना दिली. वनविभागाने या परिसरात कॅमेरा ट्रॅपिंग केले. एका कॅमेऱ्यात वाघाचे छायाचित्र आल्याने वाघ इथेच असल्याचे स्पष्ट झाले. या परिसरातील गाय, शेळ्या यांच्यावर वाघाने ताव मारला आहे. मात्र, अद्याप कोणत्याही माणसावर हल्ला केलेला नाही.

वनविभागाने या परिसरात बॅनर लावून वाघापासून सावध राहण्याचे आवाहन केले आहे. सावंगी, गांधीनगर परिसरात मागील एक महिन्यापासून बिबट्याने धुमाकूळ घातला आहे. त्यामुळे वाघ व बिबट्या या दोघांचाही बंदोबस्त वनविभागाने करावा, अशी मागणी होत आहे.

Web Title: tiger in vihirgav area