पोटगीसाठी पतीने केला पत्नीचा खून 

सकाळ वृत्तसेवा
मंगळवार, 17 जानेवारी 2017

आरोपी तेजूने मिनाचा खून केल्याची कबुली नोंदविली आहे. त्याची दुसरी पत्नीसुद्धा यात सहभागी होती. त्यामुळे तिला सुद्धा अटक करण्यात येईल. 
- पोलिस निरीक्षक राजेंद्र शेट्टे 

तुमसर (जि. भंडारा) - न्यायालयाने मंजूूर केलेली पोटगी द्यावी लागणार म्हणून पत्नीचे अपहरण करून तिचा खून केल्याची घटना सोमवारी उघडकीस आली. सोदेपूरच्या जंगलात महिलेचा सांगाडा तेवढा मिळाला. मृताची कपडे, चप्पल व इतर साहित्यांची मृताचा भाऊ व आईने ओळख पटविली. पोलिसांनी आरोपी पतीवर खूनाचा गुन्हा दाखल केला. 

मिना जगने हिचा विवाह 12 वर्षापूर्वी तेजू जगने (वय 40, रा. खमारी, ता. तिरोडा) याच्यासोबत झाला होता. सततच्या भांडणांमुळे दोघांनी घटस्फोट घेतला. तत्पूर्वी दोघेही तुमसर येथे संत रविदास नगरात मिनाच्या भावाकडे राहत होते. घटस्फोटानंतर पत्नीला न्यायालयातून पोटगी मंजूर झाली होती. त्याचा राग पती तेजू याने आपल्या मनात राग धरून ठेवला होता. आठ डिसेंबर 2016 ला न्यायालयात पेशीसाठी उपस्थित राहण्यास मीना घराबाहेर गेली. तेव्हापासून ती घरी परतली नाही. त्यामुळे मीनाचा भाऊ राजेश भोंडेकर याने 11 डिसेंबरला तुमसर पोलिस ठाण्यात बहिण बेपत्ता असल्याची तक्रार नोंदविली होती. 

12 जानेवारीला पोलिसांनी तेजू जगने याला अटक केली. त्याला चार दिवसाची पोलिस कोठडी देण्यात आली. दरम्यान पोलिसांनी केलेल्या चौकशीत आरोपीने पत्नी मीनाचा खून केल्याची कबुली दिली. त्याने सोदेपूरच्या जंगलात तिचा मृतदेह फेकून दिल्याची माहिती पोलिसांना दिली. 

आरोपीने दिलेल्या माहितीच्या आधारे पोलिस निरीक्षक राजेंद्र शेट्टे, सहाय्यक पोलिस निरीक्षक राजेंद्र ठाकूर, आरोपी तेजू जगने, मृताची आई, भाऊ राजेश भोंडेकर आणि पोलिस पथक सोदेपूर जंगलात गेले. तिथे मिनाच्या मृतदेहाचा सांगाडा शिल्लक मिळाला. मृताची आई व भावाने तिची साडी, चप्पल ओळखली. आरोपीवर पोलिसांनी खूनाचा गुन्हा दाखल केला. सहाय्यक पोलिस निरीक्षक ठाकूर तपास करीत आहेत. 

टॅग्स

विदर्भ

अकाेला : महापालिकेने केलेल्या मालमत्ता करवाढीच्या विरोधात भारिप-बमसंने शुक्रवारी (ता. १८) महापाैर विजय अग्रवाल यांच्यासह भाजप...

02.30 PM

नागपूर - धरमपेठेतील वाहनांच्या कोंडीची समस्या सोडविण्यासाठी आज गुरुवारपासून ‘नो पार्किंग झोन’ अस्तित्वात आला. आज वाहतूक पोलिसांनी...

02.24 PM

३० टक्‍क्‍यांपेक्षा कमी प्रवेश - ७३ हजार जागा रिक्त  नागपूर - ३० टक्‍क्‍यांपेक्षा कमी प्रवेश असलेली राज्यातील जवळपास...

02.24 PM